متحدہ عرب امارات

متحدہ عرب امارات میں ایئرپورٹس پر رش کو دیکھتے ہوئے دبئی میٹرو نے مفت رائیڈ کا اعلان کردیا

خلیج اردو
دبئی: دبئی کی روڈز اینڈ ٹرانسپورٹ اتھارٹی نے جمعہ کے روز دبئی میٹرو کی خدمات کو ہفتے کے آخر میں دو گھنٹے کے لیے بڑھانے کا اعلان کردیا۔

ایک ٹویٹ میں اتھارٹی نے بتایا ہے کہ 27 اور 28 اگست کو خدمات کو آدھی رات سے اگلے دن صبح 2 بجے تک بڑھا دیا جائے گا۔

یہ بھی نوٹ کیا گیا ہے کہ ان گھنٹوں کے دوران مسافروں کو دبئی ایئرپورٹ ٹرمینل 3 سے سینٹر پوائنٹ میٹرو اسٹیشن تک مفت لے جایا جائے گا۔

آر ٹی اے کے ایک نمائندے نے خلیج ٹائمز کو بتایا کہ یہ اقدام موسم گرما کی تعطیلات اور اسکولوں کی چھٹیوں کے اختتام کی وجہ سے ایئرپورٹ سے نقل و حمل کی زیادہ مانگ کے پیش نظر کیا گیا ہے۔

اتھارٹی نے کہا ہے کہ آر ٹی اے نے دبئی میٹرو کے آپریٹنگ اوقات کو 27 اور 28 اگست کو 12 آدھی رات سے 2 بجے (اگلے دن تک بڑھا دیا ہے۔

اس اقدام کا مقصد رش کے باعث مسافروں کو ایئرپورٹ ٹرمینل 3 میٹرو اسٹیشن سے سینٹر پوائنٹ اسٹیشن تک مفت لے جایا جا سکے۔ دوسری طرف مسافر ٹیکسیوں سمیت پبلک ٹرانسپورٹ کے ذریعے اپنا سفر جاری رکھ سکتے ہیں۔

Source: Khaleej Times

متعلقہ مضامین / خبریں

Back to top button