خلیج اردو
دبئی : ایکسپو ٹونٹی ٹونٹی کے منتظمین نے کہا ہے کہ ایکسپو 2020 دبئی کی تمام رات کی اختتامی تقریب عوام کے لیے کھلی رہے گی ۔
اختتامی تقریب میں آتش بازی، کنسرٹ اور بہت ساری تفریحات شامل ہوں گی۔
شام 7 بجے شروع اختتامی تقریب کا آغاز ہوگا اور اسے جوبلی اسٹیج، فیسٹیول گارڈن اور اسپورٹس ہب سمیت مختلف مقامات پر آئکانک اسکرینوں پر لائیو نشر کیا جائے گا۔
تقریبات رات بھر جاری رہیں گی جہاں آدھی رات اور صبح 3 بجے آتش بازی کا مظاہرہ کیا جائے گا۔
ایکسپو 2020 دبئی کے چیف ایونٹس اینڈ انٹرٹینمنٹ آفیسر طارق غوشہ نے کہا ہے کہ دبئی میٹرو رات بھر چلے گی کیونکہ تقریب میں ایک بڑے ہجوم کی آمد متوقع ہے۔
انہوں نے کہا کہ جیسے افتتاحی تقریب شاندار تھی ایسے ہماری اختتامی تقریب شاندار ہو گی۔
کرسٹینا ایگیلیرا، نورہ جونز اور یو یو ما ان نامور فنکاروں میں شامل ہیں جو عالمی میلے میں پرفارم کریں گے۔ الوصل پلازہ کی مرکزی تقریب ستمبر میں ہونے والی افتتاحی تقریب کی نوجوان اماراتی لڑکی کو پیش کرے گی۔
چونکہ ال وصل گنبد کو ایکسپو 2020 دبئی کی سائٹ کا ‘دھڑکتے ہوئے دل’ کا نام دیا گیا ہے اور یہ بالکل وہی جگہ ہے جہاں نوجوان لڑکی پچھلے چھ مہینوں میں اس نے جو کچھ دیکھا اور تجربہ کیا اس کی کہانی بیان کرے گی۔
ان میں سے ایک 10 منٹ کا سیگمنٹ ہوگا جس کو ’یادوں کا باغ‘ کہا جاتا ہے جو چھ ماہ کے جذبات کو اپنی لپیٹ میں لے لیتا ہے۔
منتظمین نے کہا کہ اختتامی تقریب کے وی آئی پی مہمان متحدہ عرب امارات بھر سے اسکول کے بچے ہوں گے کیونکہ بچے ہی قوم کا مستقبل ہے اور ملک کی تمام تر توجہ مستقبل پر مرکوز ہے۔
Source: Khaleej Times
