خلیج اردو: متحدہ عرب امارات کے ٹریفک کنٹرول قوانین اور طریقہ کار سے متعلق سال 2017 کے وزارتی قرارداد نمبر (178) کے مطابق ڈرائیونگ لائسنس سے متعلق تمام جرمانوں کی فہرست درج ذیل ہے:
1. اجازت یافتہ صورتوں کے علاوہ کسی بیرونی ملک کے جاری کردہ ڈرائیونگ لائسنس کے ساتھ گاڑی چلانے پر400 درہم جرمانہ ہے۔
اگر آپ متحدہ عرب امارات کے رہائشی ہیں تو، متحدہ عرب امارات کا جاری کردہ ڈرائیونگ لائسنس حاصل کرنا ضروری ہے اور یا تو اپنے موجودہ ڈرائیونگ لائسنس کو متحدہ عرب امارات کے ڈرائیونگ لائسنس میں تبدیل کر کے اور یا کچھ ڈرائیونگ اسباق لے کر اس کا اہل ہوا جا سکتا ہے۔
اگر آپ ایسا کرنے میں ناکام رہتے ہیں، تو آپ کو درہم 400 جرمانے کا سامنا کرنا پڑیگا، چاہے آپ کے پاس کسی دوسرے ملک کا جاری کردہ لائسنس ہو۔ اس قاعدہ کی ایک استثناء یہ ہے کہ اگر آپ متحدہ عرب امارات میں وزیٹر ہیں اور آپ کے پاس کسی ایسے ملک کا جاری کردہ ڈرائیونگ لائسنس ہے جس کا لائسنس یو اے ای کے حکام جیسے کہ UK اور EU قبول کرتے ہیں۔
2. اجازت حاصل کیے ڈرائیونگ لائسنس کے علاوہ کسی دوسرے لائسنس کی گاڑی چلانے پرآپکو 400 درہم جرمانہ، 12 بلیک پوائنٹس مل سکتے ہیں۔
متحدہ عرب امارات میں جاری کردہ لائسنس میں واضح طور پر بتایا گیا ہے کہ لائسنس ہولڈر کس قسم کی گاڑی چلا سکتا ہے جو ‘ہلکی موٹر گاڑی’، ‘بھاری گاڑی’ یا ‘موٹر سائیکل’ ہو سکتی ہے۔ اگر آپ ایسی گاڑی چلاتے ہوئے پکڑے جاتے ہیں جس کا آپ کے لائسنس پر ذکر نہیں ہے، تو آپ کو 400 درہم جرمانہ اور 12 بلیک پوائنٹس کا سامنا کرنا پڑے گا۔
3. میعاد ختم ہونے والے ڈرائیونگ لائسنس کے ساتھ گاڑی چلانے پر500 درہم جرمانہ، 4 بلیک پوائنٹس ہیں جبکہ ہلکی گاڑیوں کے لیے سات دن تک گاڑی ضبط کر لی جائے گی۔
اگر آپ اپنے ڈرائیونگ لائسنس کی تجدید کرنے میں ناکام رہتے ہیں، تو نہ صرف آپ کو میعاد ختم ہونے کی تاریخ کے بعد ہر مہینے 10 درہم جرمانہ دینا پڑے گا، بلکہ اگر آپ میعاد ختم ہونے والے لائسنس کے ساتھ ڈرائیونگ کرتے ہوئے پکڑے گئے تو آپ کو بھاری جرمانے کا بھی سامنا کرنا پڑ سکتا ہے۔ نہ صرف آپ کو 500 درہم جرمانہ ادا کرنا پڑے گا بلکہ آپ کے لائسنس پر چار بلیک پوائنٹس بھی ہوں گے اور آپ جس گاڑی کو چلا رہے ہیں اسے سات دن کے لیے ضبط کر لیا جائے گا۔
4. ڈرائیونگ لائسنس ساتھ نہ رکھنے پر 400 درہم جرمانہ ہے
اگر آپ اپنے لائسنس کو غور سے دیکھیں، تو آپ کو پیچھے کی طرف واضح طور پر ایک ہدایت چھپی ہوئی نظر آئے گی کہ ‘جب آپ گاڑی چلا رہے ہوں تو یہ لائسنس آپ کے پاس ہونا چاہیے اور اسے کسی مجاز شخص کے مطالبے پر پیش کیا جانا چاہیے۔’
اپنے لائسنس کے بغیر گاڑی چلانا قابل سزا ٹریفک جرم ہے، جس میں 400 جرمانہ ہے۔
5. ڈرائیونگ لائسنس دینے میں ناکامی، جب آپ کو زیادہ سے زیادہ بلیک پوائنٹس کے ساتھ جرمانہ کیا جائے گا اور 1,000 سے 3,000 درہم جرمانہ ہوگا۔
اگرچہ ٹریفک کی کچھ خلاف ورزیاں، جیسے رفتار کی حد سے تھوڑا زیادہ گاڑی چلانا، یا غلط پارکنگ کرنا، مالی جرمانے کا باعث بن سکتا ہے، لیکن زیادہ خطرناک خلاف ورزیاں جیسے لاپرواہی سے گاڑی چلانا ڈرائیور کے لائسنس پر بلیک پوائنٹس کا باعث بن سکتا ہے۔
ایک گاڑی چلانے والا زیادہ سے زیادہ 24 بلیک پوائنٹس حاصل کر سکتا ہے، جس کے بعد لائسنس معطل کر دیا جاتا ہے اور کیس کا فیصلہ عدالت کرتی ہے۔
تاہم، اگر آپ ٹریفک کی خلاف ورزی کرتے ہیں جس میں 24 بلیک پوائنٹس حاصل ہوتے ہیں – جیسے شراب یا منشیات کے زیر اثر گاڑی چلانا -تو آپ کو اپنا لائسنس حکام کے حوالے کرنا ہوگا۔ ایسا کرنے میں ناکامی پر 1,000 درہم جرمانہ عائد کیا جائے گا، اگر یہ آپ کی پہلی ٹریفک خلاف ورزی ہے۔ تاہم، اگر یہ آپ کی دوسری خلاف ورزی ہے تو جرمانہ 2,000 درہم تک بڑھا دیا جائے گا اور اگر یہ تیسری بار ہے کہ آپ اس اصول کی خلاف ورزی کرنے والے ٹھرائے جاتے ہیں۔
