سال 2022 میں رہائشی عمارات کے کرایوں میں مزید اضافہ ہوجائیگا۔

خلیج اردو: ریئل اسٹیٹ کنسلٹنسی ValuStrat کی طرف سے جاری کردہ تازہ ترین رپورٹ کا حوالہ دیتے ہوئے، تجزیہ کاروں اور صنعت کے ماہرین نے کہا ہے کہ اس سال مارکیٹ کے رحجانات میں مزید تیزی آنے کی امید ہے۔ انہوں نے کہا کہ رہائشی اور تجارتی جائیدادوں کے کرایوں میں سال 2022 میں بتدریج اضافہ ہوتا رہے گا

"2021 وبائی چیلنجوں سے بحالی اور نئے معمول کے آغاز کا سال تھا۔ ویلیو اسٹریٹ رپورٹ کے مطابق قیمتیں اور کرایے زیادہ تر وبائی مرض سے پہلے کی ریکارڈ توڑ فروخت کے حجم اور قدروں تک پہنچ گئے ہیں-

ValuStrat میں رئیل اسٹیٹ ریسرچ کے سربراہ، حیدر تمیمہ نے کہا کہ دبئی میں کرایوں کی جانچ کے لیے ValuStrat پرائس انڈیکس (VPI) نے گزشتہ سال 67.3 پوائنٹس کا اندراج کیا، جو کہ سہ ماہی میں 6.7 فیصد اور سالانہ 18.9 فیصد زیادہ ہے۔ تاہم، اوسط کرائے ابھی بھی 4.9 فیصد کم ہیں جب کہ کووِڈ 19 کی وبا شروع ہوئی تھی۔ انہوں نے کہا کہ 2021 کی چوتھی سہ ماہی تک اپارٹمنٹس کا اوسط سالانہ کرایہ درہم 58,707 اور ولاز کے لیے درہم 236,650 تھا۔

تمیئمہ نے بتایا کہ "اس میں کوئی شک نہیں کہ جہاں تک کرایوں کا تعلق ہے، ولا اپارٹمنٹس سے بہتر پڑتے ہیں۔ ولا میں سالانہ کی بنیاد پر 26.8 فیصد اور سہ ماہی کی بنیاد پر 6.3 فیصد اضافہ ہوا ہے جبکہ اپارٹمنٹس کے کرایوں میں سالانہ کی بنیاد پر 14.3 فیصد اور سہ ماہی کی بنیاد پر 6.9 فیصد اضافہ ہوا ہے،

دبئی کی رینٹل مارکیٹ نے 2020 اور 2019 کے مقابلے 2021 میں کیسی کارکردگی کا مظاہرہ کیا اس کے جواب میں، تمیمہ نے کہا کہ VPI نے 2019 کی چوتھی سہ ماہی میں 70.8 پوائنٹس رجسٹر کیے جو گزشتہ سال اسی سہ ماہی میں 56.6 پوائنٹس کے مقابلے میں 20 فیصد کی کمی کو ظاہر کرتا ہے۔
دبئی میں قائم رئیل اسٹیٹ پورٹل زوم پراپرٹی کے چیف ایگزیکٹیو عطا شوبیری نے کہا کہ موثرحکومتی اقدامات کی وجہ سے رینٹل مارکیٹ میں زبردست بحالی ہوئی ہے۔

شوبیری نے اتوار کے روز میڈیا کو بتایا، کہ”ایکسپو 2020، غیر ملکی سرمایہ کاروں کی واپسی اور وبائی مرض سے موثرانداز میں نمٹنا کچھ ایسی بڑی وجوہات ہیں جو رینٹل مارکیٹ کی مضبوط بحالی کا باعث بنیں۔”

2022 کے لیے آؤٹ لک

ValuStrat کی رپورٹ میں کہا گیا ہے کہ مقامی اور عالمی وبائی امراض اور زیادہ سپلائی کے خدشات کی وجہ سے 2022 کا آؤٹ لک محتاط طور پر پرامید ہے۔ تاہم، رپورٹ میں منفی خطرات کے بارے میں خبردار کیا گیا اور کہا گیا کہ راتوں رات کووڈ-19 وائرس کے اومیکرون قسم کے پھیلاؤ کی وجہ سے نقل و حرکت پر پابندیاں دوبارہ متعارف کرائی جا سکتی ہیں۔

رپورٹ میں کہا گیا ہے کہ عام طور پر، قیمتوں اور کرایوں میں سست رفتاری کی توقع کی جاتی ہے، حالانکہ کچھ انتہائی اہم مقامات سے توقع کی جاتی ہے کہ سرمائے کی قدریں سال 2014 والی پیک تک پہنچ جائیں گی۔

میٹرو پولیٹن پریمیم پراپرٹیز کی سی ای او نکیتا کزنٹسوف نے کہا کہ دبئی میں اس سال کرایوں میں سست رفتاری سے اضافہ ہوگا ۔ "ہمیں یقین ہے کہ پچھلے سال کی نسبت سال 2022 میں کرایوں میں اضافے کی شرح سست ہو گی۔

"ہم توقع کرتے ہیں کہ ولاز کی زیادہ مانگ جاری رہے گی اور اس کے نتیجے میں، ولا کے کرایے کی قیمت میں اضافہ اپارٹمنٹس سے زیادہ ہوگا۔ اوسطاً، ہم اپارٹمنٹس کے کرایے کی قیمتوں میں پانچ سے سات فیصد اور ولاز کے لیے سات سے دس فیصد تک اضافے کی توقع کر سکتے ہیں،‘‘ انہوں نے مزید کہا۔

انہوں نے کہا کہ اپارٹمنٹس کے لیے مقبول مقامات میں پورٹ ڈی لا میر، ایمار بیچ فرنٹ اور دبئی کریک شامل ہوں گے۔