خلیج اردو
دبئی: دبئی روڈز اینڈ ٹرانسپورٹ اتھارٹی نے پاکستان اور بھارت کے درمیان ایشیا کپ کے میچ کے سلسلے میں اتوار کے لیے ٹریفک الرٹ جاری کر دیا ہے۔
اتھارٹی نے ایک ٹویٹ میں اتوار کو شیخ محمد بن زید روڈ چوراہے کے قریب حیسا اسٹریٹ پر 3 بجے سے رات 11 بجے تک گاڑیوں کو متوقع تاخیر سے خبردار کیا ہے۔
ٹویٹ میں کہا گیا کہ ٹریفک میں تاخیر دبئی اسپورٹس سٹی میں ایشیا کپ کرکٹ ٹورنامنٹ کے ایونٹس کے ساتھ موافق ہے۔
Expected delay on Hessa Street near Sheikh Mohammed bin Zayed Road intersection on Sunday 4 September, from 3 PM to 11 PM, coinciding with the events of the Asia Cup cricket tournament in #Dubai Sports City.
— RTA (@rta_dubai) September 3, 2022
آر ٹی اے نے ڈرائیوروں کو ٹریفک کی بھیڑ سے بچنے کے لیے متبادل راستے استعمال کرنے کا مشورہ بھی دیا ہے۔
اپنے بیان میں کہا ہے کہ عوام کو مشورہ دیا جاتا ہے کہ وہ اپنی منزل/میچ کے مقام تک پہنچنے کے لیے ام سقیم اسٹریٹ کا استعمال کریں جبکہ دبئی اسپورٹس سٹی کے رہائشی متبادل راستے کے طور پر الفے روڈ کا استعمال کر سکتے ہیں۔
The public is advised to use Umm Suqeim Street to reach their destination/match location, while residents of Dubai Sports City can use Al Fay Road as an alternative route. Please plan your journeys early. #YourComfortMatters #RTA
— RTA (@rta_dubai) September 3, 2022
عوام کو تاکید کی گئی ہے کہ وہ اپنے سفر کی جلد منصوبہ بندی کریں۔
پاکستان اور بھارت گزشتہ اتوار کو ڈی پی ورلڈ ایشیا کپ میں اپنے گروپ اوپنر میں مدمقابل ہوئے تھے اور آج اتوار کو دبئی انٹرنیشنل کرکٹ اسٹیڈیم میں ایک بار پھر مدمقابل ہوں گے۔
جس انداز میں ایشیاء کپ میں باقی ٹیمیں اپنی پرفارمنس دے رہی اور یہ دونوں ٹیمیں مضبوطی سے کھیل رہی ہے، ایکسپرٹس کی رائے ہے کہ 11 ستمبر کو ہونے والے فائنل میں دونوں ٹیموں کے ایک دوسرے کے مدمقابل ہونے کا امکان روشن ہے۔
