انڈیا-یو اے ای کی پروازیں: وزتارا نے نئی ممبئی-ابوظہبی نان اسٹاپ سروس شروع کردی۔

خلیج اردو: ہندوستانی فل سروس کیریئر Vistara Airlines نے ممبئی، ہندوستان اور ابوظہبی کے درمیان نان اسٹاپ، روزانہ پروازیں شروع کی ہیں۔

افتتاحی پرواز ممبئی سے شام 7.10 بجے (IST) پر روانہ ہوگی اور 8.40 بجے ابوظہبی پہنچے گی، ایئر لائن نے یکم اکتوبر بروز ہفتہ اعلان کیا۔

وزتارا کے چیف ایگزیکٹیو آفیسر ونود کنن نے کہا، "ہم متحدہ عرب امارات اور خلیج کے بقیہ خطے میں اپنی موجودگی کو مستقل طور پر مضبوط کر رہے ہیں، اور ابوظہبی کو اپنے بڑھتے ہوئے بین الاقوامی نیٹ ورک میں شامل کرنے پر پرجوش ہیں۔”

انہوں نے مزید کہا، "متحدہ عرب امارات کا پھلتا پھولتا کاروبار، تجارت اور سیاحت ابوظہبی کو ہمارے نیٹ ورک کیلئے ایک بہترین فٹ ہے۔ ہمیں یقین ہے کہ مسافر اس روٹ پر ہندوستان اور جنوبی ایشیا کی بہترین ایئر لائن کے انتخاب کی تعریف کیے بغیر نہیں رہ سکیں گے۔”

یکم اکتوبر 2022 سے ابوظہبی، متحدہ عرب امارات کے لیے/سے پروازوں کا شیڈول یہ ہے:

روٹ: ممبئی – ابوظہبی، فلائیٹ نمبر۔ یوکے 0255، روزانہ شام 7:10 بجے روانگی، شام 8:40 بجے آمد

روٹ: ابوظہبی– ممبئی، فلائیٹ نمبر۔ یوکے 0256، روزانہ شب 9:40 بجے روانگی، 35: 02 بجے صبح آمد (+1)

( * )دکھائے گئے تمام اوقات مقامی ٹائم زونز کیمطابق ہیں۔

(*+1) اگلے دن کی آمد کی طرف اشارہ کرتا ہے۔

ایئر لائن نے کہا ہے کہ وہ دونوں ممالک میں ویزا/انٹری کی ضروریات کو پورا کرنے والے تمام اہل صارفین کو خوش آمدید کہے گی۔ وزتارا اپنے صارفین کو اپنی بکنگ کرنے سے پہلے کمپنی کیطرف سے وضع کردہ رہنما خطوط کو پوری طرح سمجھ لینے کی بھرپور حوصلہ افزائی کرتا ہے۔