متحدہ عرب امارات کے دارالحکومت ابوظہبی میں رہائش پذیر بھارت سے تعلق رکھنے والی مسلمان خاتون پر قسمت ایسی چھپڑ پھاڑ کر مہربان ہوئی کہ لینا جلال نامی خاتون کی لاٹری لگ گئی اور اس نے بگ ٹکٹ ڈرا میں 22 ملین درہم جیت لیے ۔ اماراتی میڈیا کے مطابق ابوظہبی میں مقیم ہندوستانی تارک وطن لینا جلال کا تعلق کیرالہ کے علاقے تریچور سے ہے ، لینا جلال نے میگا ڈرا میں اس وقت 22 ملین درہم جیتے جب اس کا ٹکٹ نمبر 144387 ‘حیرت انگیز 22 ملین سیریز 236’ میں اٹھایا گیا ۔
اس حوالے سے ابوظہبی میں کام کرنے والی ہیومن ریسورس پروفیشنل نے گلف نیوز کو بتایا کہ وہ دس دیگر لوگوں کے ساتھ ٹکٹ شیئر کریں گی ، اس وقت میرے پاس کہنے کے لیے الفاظ نہیں ہیں ، میں بے آواز ہوں ، مجھے نہیں معلوم کہ کیا کہنا ہے ، میں بہت زیادہ خوش اور شکر گزار ہوں ۔
لینا جلال نے کہا کہ اس نے ابھی تک اپنے والدین کو اپنی جیت کے بارے میں مطلع نہیں کیا ، میں انہیں کل بتاؤں گا ، اس پیسے سے کچھ صدقہ ضرور کروں گا لیکن میں نے ابھی یہ فیصلہ کرنا ہے کہ سرمایہ کاری کے معاملے میں کیا کرنا ہے ، میرے لیے فیصلہ کرنا بہت جلد ہے اور جیتنے کی اس خبر کو اب بھی پوری طرح جذب نہیں کرپائی ہوں۔
ادھر متحدہ عرب امارات میں کورونا کی وجہ سے سکیورٹی گارڈ کی نوکری کرنے والے پاکستانی انجینئر کے بھی دن پھر گئے کیوں کہ پاکستانی شہری مبشر نے محظوظ قرعہ اندازی میں ایک لاکھ درہم جیت لیے ، 60 ویں ہفتہ وار لائیو محظوظ ڈرا نے اپنے جیتنے والوں کی زندگیوں کو بدل دیا جس نے امید اور قسمت کے بارے میں ان کے خیالات کو تبدیل کردیا ، پاکستانی شہری مبشر کے لیے ریفل ڈرا میں 100,000 درہم جیتنا وہ لائف لائن رہا جس کی وہ مہینوں سے تلاش کر رہے تھے جب زندگی نے انھیں متعدد دھچکوں سے دوچار کیا ، مبشر جیتنے والی رقم کو اپنے کاروبار کو بحال کرنے ، اپنے پیشہ ورانہ خوابوں کو دوبارہ شروع کرنے اور اپنے بوڑھے والد کو علاج کے لیے دبئی لانے کے لیے استعمال کرے گا ، یہ اپنے والد اور خاندان کو گھر واپس فراہم کرنے کا خواب تھا جس نے فرض شناس بیٹے کو سیکیورٹی گارڈ کی نوکری قبول کرنے پر مجبور کیا۔
