خلیج اردو آن لائن:
دبئی کلچر اینڈ آرٹس اتھارٹی کی چیئر پرسن شیخہ لطیفہ بنت محمد بن راشد المکتوم جلد ہی فیشن میگزین ووگ عربیہ کے 50ویں ایڈیشن کے سرورق پر نظر آئیں گی۔
ووگ میگزین نے انسٹاگرام پر میگزین کے سر ورق کی دو تصویریں شیئر کی ہیں جن میں شیخہ لطیفہ کو فیچر کیا گیا ہے۔ یاد رہے کہ شیخہ لطیفہ یو اے ای وزیر اعظم و نائب صدر اور یو اے ای کے حکمران شیخ محمد بن راشد المکتوم کی بیٹی ہیں۔
میگزین نے انسٹاگرام پر پوسٹ کرتے ہوئے لکھا کہ میگزین کا ستمبر کا شمارہ "شیخہ لطیفہ کے کور فوٹو کے ساتھ یو اے ای کے 50 سالوں کا جشن منائے گا”۔
View this post on Instagram
شیخہ لطیفہ نے میگزین کو دیے گئے انٹرویو میں بتایاکہ وہ کس طرح سے یو اے ای تخلیقی معیشت کے لیے کام کرنا چاہتی ہیں اور اپنے ملک کی خدمت کے لیے ان کے کیا منصوبے ہیں۔ مزید برآں، شیخہ لطیفہ نے اپنی عوامی زندگی کے علاوہ اپنے دیگر مشغلوں کے بارے میں بھی بتایا۔
انہوں نے انٹرویو کے دوران بتایا کہ شاعری، فنون لطیفہ ، گھوڑوں اور مارشل آرٹس میں دلچسپی رکھتی ہیں۔ انہوں نےبتایا کہ ماں کی ذمہ داریاں نبھانا سب سے زیادہ اہم کام جو انہوں اپنی زندگی میں اب تک کیا ہے۔
Source: Khaleej Times