خلیج اردو آن لائن:
پاکستان سے دبئی کے درمیان 7 جولائی سے پروازوں کی بحالی کے امکان کے حوالے سے پیر کے روز کیا جانے والا ٹوئیٹ غلطی سے ہوا، ایمریٹس ایئر لائن نے وضاحت جاری کرتے ہوئے کہا ہے کہ پاکستان اور دبئی کے درمیان پروازیں تاحکم ثانی معطل رہیں گیں۔
ایئر لائن کا اپنے وضاحتی ٹوئیٹ میں کہنا ہے "کنفیوژن کے لیے معذرت خواہ ہیں، پاکستان سے پروازیں معطل رہیں گی ہمارے سے بحالی کی کوئی تاریخ نہیں ہے کیونکہ یہ حکومت کا کام ہے۔ برائے مہربانی ٹریول سے متعلق تازہ ترین معلومات کے لیے ہماری ویب سائٹ ویزٹ کرتے رہیں”۔
Sorry about the confusion , the flights from Pakistan remain suspended and we do not have a resumption day yet as it'll depend on government mandate . Please continue to monitor our website https://t.co/ynEBSecLT3 for travel updates.
— Emirates Support (@EmiratesSupport) June 28, 2021
جبکہ پیر کی صبح ہی ٹوئیٹر پر ایک صارف کے سوال کا جواب دیتے ہوئے ایئر لائن کا کہنا تھا کہ "7 جولائی سے پاکستان اور دبئی کے درمیان پروازیں بحال ہوجائیں گیں۔ تاہم، صورتحال پیچدہ ہونے کی وجہ سے اس اقدام میں تبدیلی ہو سکتی ہے”َ۔
جبکہ ایسے ہی ایک اور سوال کے جواب میں ایمریٹس کا کہنا تھا کہ پاکستان سے دبئی کے لیے ایمریٹس کی پروازیں 7 جولائی سے متوقع ہیں تاہم، ان کے پاس پروازوں کی معطلی میں توسیع کے حوالے سے کوئی اپ ڈٰیٹ موجود نہیں ہے۔
Hi Shams, there are flights operating starting the 7th of July from Pakistan to Dubai. Changes may happen as the situation remains dynamic. We suggest to keep an eye on our travel updates https://t.co/sHhJth2OAP.
— Emirates Support (@EmiratesSupport) June 28, 2021
یاد رہے کہ متحدہ عرب امارات نے 12 مئی سے پاکستان سے آنے والے مسافروں پر ملک میں داخلے پر پابندی عائد کر رکھی ہے۔
Source: Khaleej Times