متحدہ عرب امارات

میں نے ایک ویڈیو بنائی ہے جو میری گواہی غیر ملکی سازش کو بے نقاب کرنے سمیت سب کچھ ظاہر کر دے گی، سابق وزیر اعظم عمران خان

خلیج اردو
دبئی: پاکستان کے سابق وزیر اعظم عمران خان نے منگل کے روز متنبہ کیا ہے کہ وہ مبینہ غیر ملکی سازش میں ملوث عناصر کو ظاہر کریں گے جس کی وجہ سے وہ اقتدار سے باہر ہوئے۔

پاکستان تحریک انصاف کے سربراہ عمران خان کو اپریل میں عدم اعتماد کے ووٹ کے ذریعے معزول کر دیا گیا تھا جس کے بعد سے، وہ یہ دعویٰ کرتے آ رہے ہیں کہ امریکہ اور اس وقت کی اپوزیشن کی طرف سے غیر ملکی سازش کی گئی تھی۔

اسلام آباد سے ایک ویڈیو پیغام میں عمران خان نے کہا کہ انہوں نے ایک ویڈیو ریکارڈ کی ہے جس میں ملک کے خلاف مبینہ غداری کرنے والوں کے بارے میں سب معلومات شامل ہیں۔

پاکستان کے سابق وزیر اعظم نے کہا کہ میں اپنے ملک کی خاطر خاموش ہوں کیونکہ میں نہیں چاہتا کہ اسے کوئی نقصان پہنچے۔

انہوں نے کہا کہ پارٹی رہنماؤں کو خاموش کرانے کے لیے ان کے خلاف کرپشن کے مقدمات درج کیے گئے ہیں۔

مسٹر خان نے کہا کہ یہ ملک فاشزم اور انارکی کی طرف بڑھ رہا ہے۔ بعد ازاں ایک ٹویٹ میں خان نے مزید کہا کہ ہم فاشزم کے تحت پاکستان میں رہ رہے ہیں، انتخابات ہی اس افراتفری کا واحد حل ہیں۔

یہ انتباہ پاکستانی صحافی عمران ریاض خان کو اسلام آباد کے مضافات میں گرفتار کرنے کے بعد سامنے آیا ہے۔

پاکستان کے انگریزی اخبار ڈان کے مطابق عمران ریاض خان اسلام آباد جا رہے تھے جب انہیں اٹک میں ان کے خلاف درج غداری کے مقدمے کے سلسلے میں گرفتار کیا گیا۔

سوشل میڈیا پر شہرت رکھنے والے عمران ریاض خان نے اپنے مقبول ویڈیو چینل پر پہلے سے ریکارڈ شدہ ویڈیو میں کہا ہے کہ یہ ویڈیو میری گرفتاری کے وقت ریکارڈ کی جا رہی ہے، وہ مجھے مار سکتے ہیں۔

انہوں نے متنبہ کیا کہ پانچ گھنٹے کے وقفے کے بعد اگر وہ مجھے نقصان پہنچائیں گے تو میں اپنے چینل پر ایک ایسی ویڈیو اپلوڈ کروں گا جو ہنگامہ برپا کر دے گی اور میں سب کا نام لوں گا۔

موجودہ حکومت کو فاشسٹ حکومت قرار دیتے ہوئے عمران ریاض نے کہا کہ ہم میں سے بہت سے لوگ صرف اپنی صحافت کی وجہ سے مقدمات کا سامنا کر رہے ہیں، مجھ پر 20 مقدمات ہیں۔ میں پوچھتا ہوں کہ کہاں ہے جمہوریت اور آزادی اظہار؟”

عمران خان نے صحافی کی گرفتاری کی مذمت کرتے ہوئے کہا کہ پاکستان فاشزم کی طرف جا رہا ہے۔انہوں نے ٹویٹ کیا کہ میں پنجاب پولیس کی جانب سے من مانی گرفتاری کی شدید مذمت کرتا ہوں۔

سابق وزیر اعظم نے کہا کہ ملک صرف اس لیے فسطائیت کی طرف جا رہا ہے کہ ہماری قوم ایک بڑے بدمعاشوں پر مشتمل امپورٹڈ حکومت کو قبول کر لے۔

Source: Khaleej Times

متعلقہ مضامین / خبریں

Back to top button