خلیج اردو: راس الخیمہ پولیس نے ۲۰۲۱ میں رہائشی علاقوں میں گاڑی چلاتے ہوئے شور و ہنگامہ آرائی کرنے پر ۵۱ گاڑیوں کو ضبط کیا ۔
کچھ معاملات میں، کار مالکان نے گاڑی کی رفتار کو بڑھانے اور انجن کو تیز کرنے کیلئے پاور بوسٹرز استعمال کیے تھے ۔ پولیس نے کہا کہ سکون میں خلل ڈالنے کا باعث بننے والی کاروں اور موٹر سائیکلوں کو جرمانہ کرنے کا مقصد سڑک کی حفاظت کو برقرار رکھنا اور مہلک حادثات اور زخمیوں کو کم کرنا ہے۔
فورس نے لاپرواہی سے گاڑی چلانے، خطرناک ریسوں اور شوز کے نتیجے میں شور اور خلل پیدا کرنے، سڑکوں پر گاڑی چلانے اور ‘ڈرفٹنگ’ کرنے، شیخی مارنے، لاپرواہی سے ٹریفک کے مناظر فلمانے اور فالوورز کو راغب کرنے کے لیے سوشل میڈیا پر پوسٹ کرنے والوں کے خلاف خبردار کیا کہ قانون کی خلاف ورزی کرنے والوں کو گرفتار کیا جائے گا اور ان کے خلاف قانونی کارروائی کے ساتھ ساتھ ان کی گاڑیاں بھی ضبط کی جائیں گی۔
پولیس نے مزید کہا کہ ٹریفک قانون کے آرٹیکل 1 میں کہا گیا ہے کہ ایسی گاڑی چلانا جس سے آپ کی زندگی اور دوسروں کی زندگی کو خطرہ لاحق ہو، اس پر 2,000 درہم جرمانہ، 23 ٹریفک پوائنٹس کی سزا دی جائے گی اور گاڑی 60 دن کے لیے بند کیجائے گی-
راس الخیمہ پولیس نے معاشرے کے افراد سے اپیل کی کہ وہ ٹریفک کے قوانین کی پابندی کرتے ہوئے جان و مال کے تحفظ کی کوششوں میں شامل ہوں۔
