خلیج اردو: متحدہ عرب امارات کے دارالحکومت ابوظہبی کے ایک افغان مہاجرین کیمپ میں افغان باشندوں نے ریلی نکالی اور امریکا منتقل نہ کرنے پر احتجاج کیا۔
خلیجی ممالک میں گزشتہ چھ ماہ سے رہائش پذیر افغان مہاجرین نے پناہ گزین کیمپوں میں احتجاج شروع کردیا ہے اور مطالبہ کیا ہے کہ انہیں فوری طور پر امریکا اور یورپی ممالک وعدے کے مطابق منتقل کیا جائے۔
ریلی کے مظاہرین کا کہنا تھا کہ امریکا، افغانستان سے انخلا کے وقت جن افغان شہریوں کو باہر لے گيا انہیں خلیجی ممالک میں 6 ماہ سے بے یارو مدد گار چھوڑ دیا گیا ہے۔
سابق افغان مشیر احمد شاہ محبی کے مطابق 12 ہزار افغان شہری ابوظہبی کے کیمپ میں رہائش پذیر ہیں مگر ان کے امریکی ویزے کیلئے پیش رفت نہیں ہورہی ہے
