خلیج اردو: ابوظہبی پبلک پراسیکیوشن نے صدر کی جانب سے 540 قیدیوں کو دی گئی معافی پر عمل درآمد شروع کر دیا ہے۔
یو اے ای کے صدر عزت مآب شیخ خلیفہ بن زید النہیان نے آج رمضان المبارک کے مقدس مہینے سے قبل صدارتی معافی کا اعلان کیا۔
یہ عمل متعلقہ حکام کے ساتھ مل کر سرانجام دیا جا رہا ہے، اور اس میں تیزی لائی جا رہی ہے تاکہ قیدی ماہ مقدس کے لیے وقت پر اپنے اہل خانہ تک پہنچ سکیں۔
ابوظہبی کے امارات کے اٹارنی جنرل علی محمد البلوشی نے کہا کہ صدر کی جانب سے انہیں معافی دینے کا فیصلہ ملک کے لوگوں اور یہاں رہنے والوں کے لیے ایک مہذب اور مستحکم زندگی کے حصول کے جامع وژن کی عکاسی کرتا ہے۔
انہوں نے مزید کہا کہ قیدیوں کو اچھے برتاؤ سے فائدہ اٹھانے کا جو موقع دیا گیا ہے، اس سے انہیں قانون کی پابندی کرنے اور دوبارہ جرم کرنے سے بچنے میں بھی مدد ملے گی۔
انہوں نے شیخ منصور بن زاید النہیان، نائب وزیراعظم، صدارتی امور کے وزیر اور ابوظہبی جوڈیشل ڈیپارٹمنٹ کے چیئرمین کی معاشرے کے تمام افراد کے حقوق اور آزادی کے تحفظ اور انصاف کی فراہمی کو یقینی بنانے کی کوششوں کو بھی سراہا۔
