افطار کے وقت رش میں تیز رفتاری کرنے والے بڑی تعداد میں ڈرائیوروں کو جرمانہ کر دیا گیا

خلیج اردو
دبئی: رمضان میں افطار کے وقت گاڑیوں کو رش کی وجہ سے تیز رفتاری کرنے پر جرمانہ کیا گیا ہے۔ انہیں تیز رفتاری اور گاڑیوں کو پیچھے سے ہٹ کرنے کی وجہ سے جرمانہ کیا گیا ہے۔

ایسے میں جب رہائشیوں کو گھر جانے کی جلدی ہوتی ہے، پولیس کے ریڈار نے نشاندہی کی ہے کہ بڑی تعداد میں ڈرائیور تیز رفتاری کرتے پائے گئے ہیں ۔ یہ فوجیرہ ، راس الخیمہ اور دیگر ایمریٹس میں افطار سے دو گھنٹے پہلے خلاف ورزیاں میں اضافہ ریکارڈ کیا گیا ہے۔

دوپہر 1 بجے تک دبئی سے شارجہ تک ٹریفک کی ہمواری میں رکاوٹیں دیکھی گئیں۔ متعدد تصادم کے ساتھ بمپر ٹو بمپر منظرنامے دوپہر 3 بجے سے شام 7 بجے تک دیکھنے میں آئے۔

اتحاد روڈ، محمد بن زید روڈ، ایمریٹس روڈ اور شارجہ کی دیگر بڑی شاہراہوں پر کئی چھوٹے حادثات کی اطلاع ملی ہے۔ الواحدہ میں۔ اتحاد روڈ پر، دیرا سٹی سینٹر سے لے کر شارجہ کے تاون انٹرچینج تک بہت زیادہ رش پایا گیا۔

صورت حال پر قابو کیلئے پولیس کی مزید نفری تعینات:

رمضان کے پہلے دن افطار میں زیادہ رش نے پولیس کو حفاظت کو بہتر بنانے اور ٹریفک کی روانی کو یقینی بنانے کے لیے امارات بھر میں پٹرولنگ کی بڑی تعداد کی تعیناتی پر مجبور کیا۔

دبئی پولیس نے ڈرائیوروں کو صبر کرنے، محفوظ طریقے سے گاڑی چلانے اور تحمل کا مظاہرہ کرعنے کی تاکید کی ہے جبکہ شارجہ میں ٹریفک اور سیکیورٹی کا جامع پلان تیار کیا گیا ہے۔

شارجہ کے ٹریفک پلان میں شارجہ شہر کے تمام حصوں میں شاہراہوں، چوراہوں، گول چکر، شاپنگ ایریاز اور پرہجوم مقامات پر گشت کی تعداد میں اضافہ کرنا شامل ہے۔

شارجہ پولیس کے سنٹرل آپریشن کے ڈائریکٹر جنرل بریگیڈیئر ڈاکٹر احمد السعید النور نے کہا ہے کہ محکمہ ٹریفک ٹریفک کے ہموار بہاؤ کو یقینی بنانے اور حادثات اور خلاف ورزیوں کو روکنے کے لیے ہر ممکن کوشش کر رہا ہے جو کہ رمضان المبارک کے دوران عام طور پر نظر آتے ہیں۔

Source: Khaleej Times