خلیج اردو
دبئی : متحدہ عرب امارات میں رمضان کے دوران اوقات کار اور دیگر قوانین جو اوور ٹائم کو باقاعدہ بناتے ہیں ، سے متعلق ایک قاری نے سوال پوچھا ہے جس کا جواب ہمارے قارئین کیلئے مفید ہوسکتا ہے۔
سوال: میں دبئی میں موجود ایک کمپنی میں کام کرتا ہوں۔ میں نے رمضان کے مقدس مہینے میں نجی شعبے کے لیے کام کے اوقات میں دو گھنٹے کی کمی کے بارے میں پڑھا ہے ہے لیکن ہمیں معمول کے اوقات میں کام کرنے کی ضرورت ہوگی کیونکہ دوسری صورت میں اپنا کام مکمل کرنا ناممکن ہے۔ ایسے کیسز میں ہمیں کس طرح معاوضہ دیا جائے گا؟ کیا اوور ٹائم کی کوئی حد ہے جس سے ہم فائدہ اٹھا سکتے ہیں؟
جواب: آپ کے سوالات کے مطابق 2021 کے وفاقی حکم نامے کے قانون نمبر 33 اور 2022 کی کابینہ کی قرارداد نمبر 1 کی دفعات جو کہ وفاقی حکم نامے کے انتظامی ضوابط سے متعلق ہیں اور ایمپلائمنٹ ریلیشنز کے ضابطے پر 2021 کا قانون 33 لاگو ہوتا ہے۔
15 مارچ 2022 کو انسانی وسائل اور ایمریٹائزیشن کی وزارت نے اعلان کیا کہ رمضان کے مقدس مہینے میں نجی شعبے کے لیے کام کرنے کے اوقات میں دو گھنٹے کی کمی کی گئی ہے۔
ایمپلائمنٹ ریلیشنز سے متعلق 2022 کے کابینہ کی قرارداد نمبر 1 کے آرٹیکل 15 (2) میں کہا گیا ہے کہ رمضان کے مقدس مہینے میں عام کام کے اوقات دو گھنٹے کم کیے جائیں گے۔
موہری کے مذکورہ بالا اعلان اور قانون کی فراہمی کی بنیاد پر آپ پرائیویٹ سیکٹر میں ایک ملازم کے طور پر مقدس مہینے میں دو گھنٹے کم کام کرنے کے حقدار ہیں۔ اگر آپ کا آجر آپ کو کام کے اووٹائم اوقات کے لیے ملازمت دے سکتا ہے، بشرطیکہ ایسا اوور ٹائم دن میں دو گھنٹے سے زیادہ نہ ہو،۔
کام کے اوقات کی کل تعداد تین ہفتوں میں 144 گھنٹے سے زیادہ نہیں ہونی چاہیئے۔ یہ 2022 کی کابینہ کی قرارداد نمبر 1 کے آرٹیکل 15 (3) کے مطابق ہے۔
اگر آپ کی ملازمت میں آپ کا عہدہ مینیجر یا سپروائزر کا ہے یا آپ کے کام میں کوئی تکنیکی تقاضے شامل ہیں تو آپ کسی اوور ٹائم تنخواہ کے اہل نہیں ہو سکتے۔ یہ کابینہ کی قرارداد نمبر 2022 کے آرٹیکل 15(4) بی اور ڈی کے مطابق ہے۔ قانون میں منڈرجہ زیل کیٹگریز کو زیادہ سے زیادہ اوقات کار کی دفعات سے خارج کر دیا گیا ہے۔
ایسے کام جن کی تکنیکی نوعیت کے لیے لگاتار شفٹوں کے ذریعے کام کو جاری رکھنے کی ضرورت ہوتی ہے، بشرطیکہ فی ہفتہ کام کے اوسط اوقات (56) گھنٹے سے زیادہ نہ ہوں۔
آپ ایک ملازم کے طور پر اوور ٹائم تنخواہ کے حقدار ہو سکتے ہیں اگر آپ قانون کی مذکورہ بالا شق کے دائرے میں نہیں آتے ہیں۔
اگر آپ اوور ٹائم کے اہل ہیں تو آپ اپنے آجر سے اضافی تنخواہ کی درخواست کر سکتے ہیں۔
کام کے اوقات کے علاوہ ملازمت کے اضافی اوقات کی تعداد جو خاص طور پر رمضان المبارک کے لیے مقرر کی گئی ہے اوور ٹائم سمجھا جائے گا۔
اوور ٹائم کام کی صورت میں، آپ کا آجر آپ کو آپ کی بنیادی تنخواہ پر 25 فیصد اضافی ادا کرے گا۔ اگر آپ اوور ٹائم تنخواہ کے اہل ہیں اور آپ کا آجر آپ کو ادائیگی نہیں کرتا ہے، تو آپ موہری سے رجوع کر سکتے ہیں اور شکایت درج کر سکتے ہیں۔
تاہم ذمہ داری آپ پر ہے کہ آپ متعلقہ دستاویزی ثبوت کے ساتھ ثابت کریں کہ آپ نے رمضان کے مقدس مہینے میں کام کے معمول کے اوقات سے زیادہ کام کیا ہے۔
Source: Khaleej Times
