آرٹی اے نے دبئی، ابوظہبی ہوائی اڈے کے درمیان ویزایئرکے مسافروں کو بس سے اٹھانے کا معاہدہ کرلیا

خلیج اردو۔ دبئی کی روڈز اینڈ ٹرانسپورٹ اتھارٹی (آر ٹی اے) نے دبئی اور ابوظہبی بین الاقوامی ہوائی اڈے (ٹرمینلز 1,2,3) کے درمیان مسافروں کی نقل و حمل کے لیے ریپڈ انٹرسٹی کیپٹل ایکسپریس کے ساتھ ایک معاہدے پر دستخط کیے ہیں۔ یہ سروس ابوظہبی بین الاقوامی ہوائی اڈے کو دبئی کے ابن بطوطہ بس اسٹیشن سے ایکسپریس بس روٹ سے جوڑے گی۔ فی الحال یہ سروس صرف Wizz Air کے مسافروں کے لیے وقف ہے۔

بس کا کرایہ ویز ایئر کے ٹکٹوں میں شامل ہوگا۔ اس روٹ پر چلنے والی کوچ بسیں مسافروں کے سامان کی سہولیات سے آراستہ ہوں گی۔ معاہدے کے تحت آر ٹی اے ابن بطوطہ بس اسٹیشن کے ذریعے دبئی کے اندر سروس کی سہولت کے لیے درکار پارکنگ کی جگہیں اور انفراسٹرکچر فراہم کرے گی۔ اتھارٹی ابن بطوطہ بس اسٹیشن پر ورک فلو کی نگرانی کرتی ہے تاکہ اسٹیشن پر تمام مسافروں کی حفاظت کو یقینی بنایا جاسکے جبکہ کیپٹل ایکسپریس فار ریپڈ انٹرسٹی ابن بطوطہ بس اسٹیشن سے ابوظہبی بین الاقوامی ہوائی اڈے تک اپنی بسوں میں لے جانے والے مسافروں کی حفاظت کو سنبھالے گی۔