متحدہ عرب امارات میں طلباء اگلے تعلیمی سال سے مفت تعلیم کے لیے درخواست دے سکتے ہیں۔

خلیج اردو: متحدہ عرب امارات کے ایمریٹس اسکولز اسٹیبلشمنٹ (ESE) کے مطابق، اماراتی اور اہل غیر ملکی طلباء، جنہوں نے سرکاری اسکولوں میں داخلہ لیا ہے، ‘اجیال (جنریشن) اسکولوں میں شامل ہونے کے لیے درخواست دے سکتے ہیں جو ان کے گھروں کے قریب کے علاقوں میں واقع ہیں۔

سرکاری سکولوں کے لیے نیا ماڈل پرائیویٹ سیکٹر کے اشتراک سے تعلیمی سال 2022-23 سے لاگو کیا جائے گا۔

والدین کو یہ حق حاصل ہے کہ وہ اپنے رہائشی علاقے کے آس پاس اپنے بچوں کے لیے مناسب اسکول کا انتخاب کریں۔

ای ایس ای کے مطابق نئے ماڈل سکولوں کے سکولوں کے اوقات کاراور کیلنڈر سرکاری سکولوں کی طرح ہی رہے گا۔

اس کے علاوہ، طلباء کی طرف سے کوئی اضافی فیس ادا نہیں کی جائے گی کیونکہ حکومت طلباء کی فیس اور تمام آپریٹنگ اخراجات خود برداشت کرے گی۔

نئے ماڈل کا اطلاق ایمریٹس اسکولز اسٹیبلشمنٹ کے زیر نگرانی 10 اسکولوں میں پہلی سے چوتھی جماعت تک کے تمام طلبہ پر کیا جائے گا جبکہ اس ماڈل کو 2024 میں پانچویں اور چھٹی جماعت تک بڑھا دیا جائے گا۔

اسٹیبلشمنٹ نے کہا کہ جب سائیکل 2 میں نئی کلاسز کو نئے ماڈل میں شامل کرنے کی منظوری دی جائے گی تو وہ اس حوالے سے والدین سے بات چیت کرے گی۔

اس کے بعد طالب علم کسی بھی وقت یو اے ای کے نصاب کی پیروی کرنے والے سرکاری اسکولوں میں جا سکتا ہے۔

ESE نے کہا کہ کوئی بھی طالب علم نئے ماڈل سے متاثر نہیں ہوگا کیونکہ ان کے تمام تعلیمی نتائج اور رپورٹس رکھی جائیں گی اور انہیں ادارے کے مارکنگ سسٹم کے مطابق برابر کیا جائے گا۔