متحدہ عرب امارات میں چند گھنٹوں میں اپنی نئی ایمریٹس آئی ڈی حاصل کرنے کا آسان ترین طریقہ بتا دیا گیا ، آن لائن تجدید کے عمل میں چند منٹ لگتے ہیں، جس سے آپ الیکٹرانک آئی ڈی حاصل کر سکتے ہیں ۔ گلف نیوز کے مطابق اگر آپ کو اپنی ایمریٹس آئی ڈی کی تجدید کی ضرورت ہے تو درخواست دہندگان کے لیے اس عمل کو انتہائی آسان بنا دیا گیا ہے کیونکہ فیڈرل اتھارٹی برائے شناخت ، شہریت ، کسٹمز اور پورٹ سکیورٹی اب آپ کو پورا عمل آن لائن مکمل کرنے کی اجازت دیتی ہے لہذا چاہے آپ اپنی ایمیریٹس آئی ڈی کے لیے درخواست دے رہے ہوں یا اپنے زیر کفالت افراد کی تو اس کے لیے درج ذیل اقدامات کی پیروی کرنا ہوگی ؛
پہلا مرحلہ : متحدہ عرب امارات کا پاس حاصل کریں۔
سب سے پہلے یہ انتہائی ضروری ہے کہ آپ اپنے لیے یو اے ای پاس اکاؤنٹ بنائیں جو کہ UAE حکومت کی جانب سے سمارٹ گورنمنٹ سسٹمز کی طرف جانے کا ایک اقدام ہے ، ایک بار جب آپ کے پاس UAE پاس ہوگا تو آپ ایک سے زیادہ اکاؤنٹس رکھنے کی ضرورت کے بغیر آسانی سے کسی سرکاری محکمے کے پورٹل پر لاگ ان کر سکیں گے ۔ لہٰذا چاہے آپ اپنی کار کی رجسٹریشن کی تجدید کے لیے روڈز اینڈ ٹرانسپورٹ اتھارٹی (آر ٹی اے) یا وزارت داخلہ کے پورٹل پر لاگ ان کرنا چاہتے ہیں یا COVID-19 ویکسین کے لیے آن لائن اپائنٹمنٹ بک کرنا چاہتے ہیں، یہ تمام عمل سنگل آن لائن شناخت کے ذریعے مکمل کیے جا سکتے ہیں ۔
اس کے علاوہ تازہ ترین اپ ڈیٹ کے ساتھ آپ UAE Pass بنا سکتے ہیں اور اسے چہرے کی شناخت کی ٹیکنالوجی کے ذریعے مختلف پورٹلز میں لاگ ان کرنے کے لیے استعمال کر سکتے ہیں ، جو اس حقیقت کا فائدہ اٹھاتی ہے کہ آن لائن صارفین کی اکثریت کے پاس اسمارٹ فون ہیں۔
دوسرا مرحلہ : دستاویزات تیار رکھیں
عمل شروع کرنے کے بعد آپ کو ضرورت پڑنے پر اپ لوڈ کرنے کے لیے درج ذیل دستاویزات کی ایک کاپی محفوظ کرنی ہوگی۔
• رنگین تصویر
• آپ کے پاسپورٹ کا اگلا اور پچھلا صفحہ
• رہائشی ویزا کی کاپی
• پرانا ایمریٹس شناختی کارڈ – آگے اور پیچھے
اگر آپ اپنے منحصر ایمریٹس آئی ڈی کے لیے درخواست دے رہے ہیں تو آپ کو اپ لوڈ کرنے کے لیے اپنی ایمریٹس آئی ڈی (سامنے اور پیچھے) کی ایک کاپی بھی تیار رکھنے کی ضرورت ہوگی۔
تیسرا مرحلہ: سروس شروع کرنے کے لیے آن لائن جائیں۔
آپ ایمریٹس آئی ڈی کی تجدید سروس یا تو ICA کی ویب سائٹ www.ica.gov.ae یا اسمارٹ فون ایپلی کیشن ‘ICA UAE’ کے ذریعے شروع کرسکتے ہیں ، جو ایپل اور اینڈرائیڈ فونز کے لیے دستیاب ہے ، جہاں آپ کو لاگ ان کرنے کے لیے کہا جائے گا ، اگر آپ UAE Pass کے ذریعے لاگ ان کرنے کا آپشن منتخب کرتے ہیں تو آپ کو آپ کے فون پر UAE Pass ایپ پر بھیج دیا جائے گا ، جو یا تو چہرے کی ٹیکنالوجی کی خصوصیت کا استعمال کر سکتی ہے یا آپ سے آپ کی شناخت کی تصدیق کرنے کے لیے اپنا پن درج کرنے کو کہے گی ، آپ کی شناخت کی تصدیق ہو جانے کے بعد آپ کو واپس ICA ایپ یا ویب سائٹ پر بھیج دیا جائے گا جہاں آپ اب اپنے ڈیش بورڈ تک رسائی حاصل کر سکیں گے۔
چوتھا مرحلہ : ایمریٹس آئی ڈی کی تجدید کے لیے سروس کا انتخاب کریں۔
زمرہ ’ایمریٹس آئی ڈی‘ کے تحت آپ کو اپنے اکاؤنٹ سے وابستہ ایمریٹس آئی ڈیز کی تجدید کا اختیار دیا جائے گا ، اس میں آپ کی اپنی ایمریٹس آئی ڈی کے ساتھ ساتھ خاندان کے افراد یا گھریلو ملازمین کی شناخت بھی شامل ہوگی جو آپ کے زیر کفالت ہیں ، یہاں ‘ایمریٹس آئی ڈی کی تجدید’ کو منتخب کریں۔
پانچواں مرحلہ : دستاویزات اپ لوڈ کریں۔
اس کے بعد آپ سے ضروری دستاویزات اپ لوڈ کرنے کو کہا جائے گا، جن میں درخواست دہندہ کی تصویر، امارات کی پرانی شناخت کے ساتھ ساتھ ان کے پاسپورٹ کی کاپی شامل ہیں ، آپ کو اس بنیاد پر تفصیلات بھی شامل کرنے کی ضرورت ہوگی کہ آیا آپ اپنے گھر یا دفتر میں ایمریٹس آئی ڈی کیسے حاصل کرنا چاہتے ہیں یا اسے اپنے قریب کے ایمریٹس پوسٹ آفس سے جمع کرنا چاہتے ہیں ، ڈیلیوری کے اخراجات لاگو ہوں گے۔
چھٹا مرحلہ : ادائیگی کریں۔
اس کے بعد آپ کو ادائیگی کرنے کی ضرورت ہوگی، جو آپ کے ویزا کی مدت پر منحصر ہوگی ، جیسا کہ ایمریٹس آئی ڈی ویزا سے منسلک ہے، دونوں کی مدت یکساں ہے ، دو سال کے ویزے کے لیے آپ کو کارڈ کے اجراء کے لیے 40 درہم کے ساتھ سروس فیس کے طور پر 200 درہم ادا کرنے ہوں گے جب کہ گولڈن ویزا کے لیے جو 10 سال کے لیے کارآمد ہے، کارڈ کے اجراء کے لیے 1,000 درہم اور سروس فیس کے طور پر 40 درہم لاگت آئے گی۔
ساتواں مرحلہ 7: منظور ہونے کے بعد اپنی ایمریٹس آئی ڈی کی ڈیجیٹل کاپی تک رسائی حاصل کریں۔
ایک بار جب آپ عمل مکمل کر لیں گے تو آپ کو ایک ای میل اطلاع موصول ہوگی جس میں آپ کو اپ ڈیٹ کیا جائے گا کہ درخواست جمع کر دی گئی ہے ، درخواست منظور ہونے کے بعد جس میں عام طور پر صرف چند گھنٹے لگتے ہیں آپ ICA ایپ کے ذریعے اپنی ایمریٹس آئی ڈی کی ڈیجیٹل کاپی تک رسائی حاصل کر سکیں گے ، ایمریٹس کی نئی آئی ڈی میں نا صرف ڈیٹا سکیورٹی کے نئے فیچرز ہیں بلکہ اس کی شکل بھی نئی ہے۔
ایک بار جب آپ کے پاس اپنی ایمریٹس آئی ڈی کی ڈیجیٹل کاپی آجاتی ہے تو آپ اسے دیگر پراسیسز کو مکمل کرنے کے لیے استعمال کر سکتے ہیں ، جیسے کہ اپنے ہیلتھ انشورنس کے لیے درخواست دینا وغیرہ اور شناخت کی تصدیق کے مقاصد کے لیے ICA ایپ کے ذریعے رسائی حاصل کریں۔
آٹھواں مرحلہ : اپنی ایمریٹس آئی ڈی کی فزیکل کاپی وصول/جمع کریں۔
ایمریٹس آئی ڈی کی درخواست منظور ہونے کے بعد اسے ICA کے ذریعے پرنٹ کرنے کے لیے بھیج دیا جائے گا ، اس کے پرنٹ ہونے کے بعد آپ کو ای میل اور ایس ایم ایس کے ذریعے ایک اطلاع موصول ہوگی ، اس کے بعد آپ اپنے قریبی ایمریٹس پوسٹ آفس سے اپنا ایمریٹس آئی ڈی حاصل کر سکتے ہیں یا اگر آپ نے ڈیلیوری کے آپشن کے لیے ادائیگی کی ہے تو یہ براہ راست آپ کے پتے پر بھیجی جائے گی۔
