خلیج اردو 5 دسمبر 2021
دبئی:پاکستان کی قومی ایئر لائن پی آئی اے نے ملک میں مذہبی سیاحت کو فروغ دینے کی غرض سے ہندو زائرین کیلئے متحدہ عرب امارات سے پاکستان کیلئے خصوصی پرواز چلانے کا اعلان کیا ہے۔پی آئی اے انتظامیہ نے پاکستان ہندو کونسل کے پیٹرن انچیف اور رکن قومی اسمبلی رامیش ونکوانی کے ساتھ مفاہمت کی یادداشت پر دستخط کئے ہیں۔
#PIA & Patron-In-Chief Pak Hindu Council @RVankwani sign an MoU to promote religious tourism in the country. Through this partnership, PIA will launch special charter flights for #Hindu #Pilgrims from #UAE & elsewhere to visit the Holy Sites in #KPK and #Balochistan. pic.twitter.com/rOhb261HXq
— PIA (@Official_PIA) December 5, 2021
دنیا بھر کے مختلف ممالک سے پاکستان کے صوبے بلوچستان اور خیبر پختونخواہ میں ہندوؤں کے مذہبی مقامات کی زیارت کے لئے لیے آنے والے افراد کیلئے خصوصی پرواز چلائی جائیں گی۔
پاکستان ہندو کونسل کے پیٹرن انچیف رامیش ونکوانی نے اس موقع پر خوشی کا اظہار کرتے ہوئے کہا کہ میرے لیے قابل فخر بات ہے کہ میں ہندو برادری کے نمائندے کے طور پر مفاہمت کی یادداشت پر دستخط کر رہا ہوں۔ہم سب متحد ہیں اور پی آئی اے نے ثابت کردیا کہ ہم ایک قوم ہیں۔اس سے ثابت ہوتا ہے کہ پاکستان میں تمام برادریاں اپنی مذہبی رسومات کی ادائیگی میں آزاد ہیں۔
PHC & PIA sign MoU to promote religious tourism. In 1st phase, one chartered flight from Karachi and 2nd flight from Dubai monthly. Both starting from 1st Jan 2022 to Peshawar. Facilitating national & international yatrees to visit Samadhi of Shi Param Hans Ji Maharaj Teri Temple pic.twitter.com/Y0lBeWVJDk
— Dr. Ramesh Vankwani (@RVankwani) December 3, 2021
رامیش منگوانی نے بتایا کہ دبئی اور کراچی سے ماہانہ بنیادوں پر پروازیں چلائی جائینگی تاکہ ہندو مذہب کے زائرین شری پرم ہنس جی مہاراج کے مندر کی زیارت کر سکیں۔خصوصی پروازوں کا آغاز جنوری 2022 میں ہوگا جس سے ملکی اور غیرملکی زائرین کرک کے علاقے ٹیری میں واقع مندر کی زیارت کے لئے آسکیں گے۔
متحدہ عرب امارات میں رہائش پذیر بھارتی پاسپورٹ کے حامل ہندو افراد بھی پاکستان میں زیارت کے لئے ویزے کی درخواست دائر کر سکتے ہیں۔متحدہ عرب امارات میں ویزے کے لیے درخواستیں ابوظہبی میں واقع پاکستانی سفارت خانے اور دبئی کے قونصلیٹ جنرل میں جمع کرائی جا سکتی ہیں۔
Today, Pakistan High Commission in New Delhi issued 136 visas to Indian Hindu pilgrims for visit to their religious sites in Pakistan. 1/4@ForeignOfficePk @FMPublicDiploPK @epwing_official @GovtofPakistan
— Pakistan High Commission India (@PakinIndia) December 1, 2021
رواں ماہ کے آغاز میں نئی دہلی میں پاکستانی ہائی کمیشن نےپاکستان میں اپنے مذہبی مقامات کی زیارت کیلئے ہندو برادری کے 136 افراد کو ویزے جاری کیے ہیں۔بھارتی ہندو زائرین کا گروپ پاکستان کے صوبہ سندھ میں واقع شیواتری ستگرو سنت شادرم صاحب کے 313 ویں جنم دن کی تقریبات میں شرکت کے لیے موجود ہے۔
SOURCE: KHALEEJ URDU
