خلیج اردو: ابوظہبی پولیس ٹریفک کی خلاف ورزیوں کا پتہ لگانے اور سڑکوں پر حفاظت کو بڑھانے کے لیے مصنوعی ذہانت (AI) سے چلنے والے سمارٹ سسٹم اور ریڈار استعمال کر رہی ہے۔ ایک اعلیٰ پولیس اہلکار نے میڈیا کو بتایا کہ جدید ٹیکنالوجی کے استعمال سے دارالحکومت میں جرائم کو "نمایاں حد تک کم کرنے” میں مدد ملی ہے۔
میجر احمد سورور الشمسی، ابوظہبی پولیس میں سیف سٹی ڈیپارٹمنٹ کے سربراہ نے بتایا کہ ابوظہبی میں ہمارے پاس 250,000 سے زیادہ گاڑیاں ہیں اور ہمیں اس بات کو یقینی بنانا ہے کہ ان سب کی نگرانی کی جائےجو صرف سمارٹ سسٹم کے ذریعے فراہم کردہ ڈیٹا کے ذریعے کیا جا سکتی ہے،
سڑکوں کو محفوظ بنانے کے لیے پولیس AI سے چلنے والے ریڈارز اور سمارٹ سسٹمز کے مختلف طریقے یہ ہیں:
1. پیدل چلنے والوں کی کراسنگ پر خلاف ورزیاں
اپریل 2022 میں، پولیس نے پیدل چلنے والوں کے کراسنگ پر نہ رکنے والے موٹرسواروں کو پکڑنے کے لیے سمارٹ ریڈارز کو فعال کرنے کا اعلان کیا۔ پیدل چلنے والوں کو راستہ نہ دینے پر گاڑی چلانے والوں کو 500درہم جرمانہ اور چھ بلیک پوائنٹس کے ساتھ سزا دی جاتی ہے۔
2. ڈرائیونگ کے دوران فون کا استعمال، سیٹ بیلٹ کی خلاف ورزی
پولیس نے گزشتہ سال جنوری میں موبائل فون اور سیٹ بیلٹ کی خلاف ورزیوں کا پتہ لگانے کے لیے اپنے خودکار نظام کو فعال کیا۔
یہ نظام AI کیمروں کے ذریعے ہائی ریزولوشن کی تصاویر کھینچتا ہے۔ ایک خودکار عمل مذکورہ خلاف ورزیوں کا پتہ لگانے کے لیے تصاویر کا تجزیہ کرتا ہے۔
3. اچانک مڑ جانا
یہ خلاف ورزی متحدہ عرب امارات میں حادثات کی سب سے بڑی وجوہات میں سے ایک ہے اور اس کی سزا 400درہم جرمانہ ہے۔ دارالحکومت میں ریڈار خود بخود لین کی، خاص طور پر ٹریفک سگنلز پراچانک تبدیلی کا پتہ لگالیتے ہیں،۔
4. سیف سٹی پروجیکٹ
ابوظہبی پولیس نے تقریباً چار سال قبل اپنا AI کی حمایت یافتہ ‘سیف سٹی پروجیکٹ’ متعارف کرایا تھا۔ یہ پروجیکٹ کیمروں، سمارٹ سسٹمز اور ریڈارز کے ذریعے فراہم کیے جانے والے ڈیٹا کے وسیع پیمانے پر تجزیہ کرنے کے لیے AI اور دیگر ٹیکنالوجی کا استعمال کرتا ہے۔ اس نظام سے جرائم اور ٹریفک کی خلاف ورزیوں کو کم کرنے میں مدد ملی ہے۔
مزید برآں، پروجیکٹ نے شہر بھر میں پانچ سمارٹ گیٹس کو جوڑ دیا ہے جو ایک دوسرے سے رابطہ کرتے ہیں، اور ڈرائیوروں کو دھند، بارش، حادثات، یا ٹریفک رش کے بارے میں الرٹ فراہم کرتے ہیں۔
