خلیج اردو
شارجہ : شارجہ کے سول ڈیفنس نے گرمیوں کے دوران بڑھنے والے آتشزدگی کے واقعات کو کم کرنے کے لیے جمعرات کو اپنے معائنہ کو تیز کر دیا ہے۔
بدھ کی شام الحمریہ میں آتشزدگی کے حادثے کے واقعے کے بعد ایک اعلیٰ اہلکار کے مطابق محکمہ نے آتشزدگی کے حادثات کی تعداد کو صفر تک لانے کے لیے مختلف منصوبے اور اہداف مقرر کیے ہیں۔
ان منصوبوں میں تجارتی، صنعتی کمپنیوں اور رہائشی عمارتوں کو نشانہ بنانے والے سرپرائز اور باقاعدہ معائنہ شامل ہیں۔ اس میں آگ سے حفاظت کے ضوابط پر عمل کرنے کے بارے میں عوام کو آگاہ کرنے کے لیے تیز آگاہی مہمات چلانا بھی شامل ہے۔
آگ کے حادثات بنیادی طور پر نادانستہ طور پر سرزد ہونے والی غلطیاں ہوتیں ہیں کیونکہ بہت سے لوگوں میں آگ سے بچاؤ کی احتیاطی تدابیر کے بارے میں آگاہی کا فقدان ہیں جس سے معاشرے کی سلامتی داؤ پر لگی ہے۔
انہوں نے مزید کہا کہ ان خطرات سے بچنے کے لیے محکمہ شہری تحفظ اور سیفٹی کی جانب سے باقاعدہ اور غیر اعلانیہ معائنے میں کی جانے والی مسلسل کوششوں نے پچھلے سالوں کے دوران امارات میں آتشزدگی کے حادثات میں کمی لانے میں اہم کردار ادا کیا ہے۔
اہلکار نے لوگوں پر زور دیا کہ وہ خاص طور پر گرمیوں کے دوران احتیاطی تدابیر اپنائیں تاکہ لاپرواہی کے نتیجے میں آتشزدگی کے حادثات سے بچا جا سکیں۔ انہوں نے گھروں اور ولاز میں حفاظتی پوشاک لگانے کی اہمیت پر بھی زور ددیتے ہوئے حفاظتی الات کے استعمال کی ہدایت کی۔
Source: Khaleej Times
