خلیج اردو
ابوظہی: ایمریٹس نیوکلیئر انرجی کارپوریشن نے اعلان کیا ہے کہ ابوظہبی میں برکہ نیوکلیئر انرجی پلانٹ کا یونٹ 3 کامیابی کے ساتھ شروع کر دیا گیا ہے۔ یہ سنگ میل ظاہر کرتا ہے کہ عرب دنیا کے پہلے ملٹی یونٹ آپریشنل نیوکلیئر پلانٹ کے چار یونٹس کو فعال کرنے میں اہم پیش رفت ہو رہی ہے۔
یونٹ 3 قومی گرڈ میں مزید 1,400 میگا واٹ صفر کاربن اخراج بجلی کی صلاحیت کا اضافہ کرے گا جو متحدہ عرب امارات کی توانائی کی حفاظت کے لیے ایک بڑا فروغ اور موسمیاتی تبدیلی سے نمٹنے کے لیے ایک اہم قدم ہے۔
یہ کامیابی یونٹ 2 کے کامیاب آغاز کے ایک سال بعد حاصل ہوئی ہے۔ اگلا اہم سنگ میل یونٹ 3 کو آنے والے ہفتوں میں قومی بجلی گرڈ سے جوڑنا ہوگا۔یہ اعلان ایک ایسے وقت میں سامنے آیا ہے جب بہت سے ممالک توانائی کے عالمی بحران کے نتیجے میں قلت کو دور کرنے کے لیے کوشاں ہیں۔
بارکہ پاور پلانٹ میں پیدا ہونے والی صاف بجلی پورے متحدہ عرب امارات میں گھروں، کاروبار اور ہائی ٹیک صنعتوں کو مستقل طور پر طاقت فراہم کر رہی ہے۔
ایمریٹس نیوکلیئر انرجی کارپوریشن کے مینیجنگ ڈائریکٹر اور چیف ایگزیکٹو آفیسر محمد ابراہیم الحمادی کا کہنا ہے کہ ہم آج متحدہ عرب امارات کے پرامن نیوکلیئر انرجی پروگرام کی فراہمی میں ایک اور اہم سنگ میل پر پہنچ گئے ہیں کیونکہ ہم متحدہ عرب امارات کے لیے اسٹریٹجک لحاظ سے اہم صاف توانائی کی فراہمی کے ساتھ آگے بڑھ رہے ہیں۔
Source: Khaleej Times
