خلیج اردو
03 مارچ 2021
دبئی : اسرائیل کیلئے متحدہ عرب امارات کے سفیر محمد الخواجہ نے اسرائیل کے وزیر اعظم بنجمن نتن یاہو سے ملاقات کی ہے اور دونوں ممالک کے درمیان کرونا وائرس کے انسداد کیلئے باہمی تعاون بڑھانے پر اتفاق ہوا ہے۔
جب سے دونوں ممالک کے درمیان سفارتی تعلقات قائم ہوئے ہیں ، الخواجہ اسرائیل کیلئے یو اے ای کا پہلا سفیر ہے ۔ نتن یاہو نے متحدہ عرب امارات کے سفیر کی آمد پر ان کا والہانہ استقبال کیا۔
I had the pleasure of meeting with Benjamin Netanyahu, Prime Minister of Israel. We discussed UAE-Israeli relations and bilateral cooperation in combating the COVID-19 pandemic. I thank the Prime Minister for the warm welcome I have received in Israel. pic.twitter.com/YIG1rqOwpz
— Mohamed Al Khaja (@AmbAlKhaja) March 2, 2021
اپنے ایک ٹویٹ میں سفیر الخواجہ نے بتایا ہے کہ انہوں نے اسرائیل کے وزیر اعظم بنجمن نتن یاہو سے خوشگوار ملاقات کی ہے۔ دونوں ممالک کے درمیان بہتر تعلقات اور دوطرفہ تعاون بڑھانے اور کرونا وائرس کے انسداد کیلئے ملکر کوششیں تیز کرنے پر اتفاق کیا گیا۔
اماراتی سفیر نے اسرائیل کے وزیر اوپہر اکونس سے بھی ملاقات کی اور باہمی دلچسپی کے امور پر تبادلہ خیال کیا۔ یک مارچ کو الخواجہ نے متحدہ عرب امارات کے سفیر کی حیثیت سے اسرائیل کے صدر کو سفارتی سند پیش کی تھی۔
Source : Khaleej Times