متحدہ عرب امارات

متحدہ عرب امارات میں اعتماد کا غلط فائدہ اٹھانے کا کیس: خاندان کے رکن نے پاور آف اٹارنی سے ناجائیز فائدہ اٹھاتے ہوئے 17 ملین درہم چرا لیے

خلیج اردو
دبئی: متحدہ عرب امارات میں ایک شخص نے مالک کی غیر موجودگی میں پاور آف ٹارنی کا غلط استعمال کرتے ہوئے 17 ملین درہم چھین لیے۔ ریزیلینس چارٹرڈ اکاؤنٹنٹس اور ایڈوائزری سروسز کے سی ای او خالد فاروق نے کہا کہ ان کا ایک کلائنٹ مختصر وقفے سے واپس آیا تو اسے معلوم ہوا کہ اس کے 17 ملین درہم کے فنڈز غائب ہیں اور اخراجات زیادہ ہیں۔

مالک نے پاور آف اٹارنی خاندان کے ایک فرد کو دیا تھا جس نے بے ایمانی کی۔ متائثرہ فریق کے مطابق اس نے ہم سے رابطہ کیا اور ہم نے انکشاف کیا کہ واقعی اخراجات کو بڑھا چڑھا کر پیش کیا گیا تھا اور بدنیتی سے حساب کیا گیا تھا۔ وہ فرد جو ان اخراجات کا ذمہ دار تھا وہ ایک خاندان کا فرد تھا اور وہ ان اختیارات کا غلط استعمال کر رہا تھا جو اسے پی او اے کی طرف سے دیے گئے تھے۔

خطے کے معروف فرانزک اور مالیاتی ماہر نے کہا کہ اس کارروائی سے متعلق خطرات اس کے فوائد سے زیادہ وزنی ہیں۔لوگ عام طور پر افراد کو جنرل پی او اے دینے کے نتائج کو نہیں سمجھتے – چاہے وہ ان کے اپنے خاندان کے افراد ہوں یا کوئی ہو۔ کیس اب بند ہے اور بازیابی کا عمل جاری ہے۔

خاندانی کاروبار بڑے پیمانے پر تعاون کرتے ہیں اور متحدہ عرب امارات اور جی سی سی کی معیشتوں میں اہم کردار ادا کرتے ہیں۔ وہ نجی فرموں کا 90 فیصد بناتے ہیں اور ملک میں نجی شعبے کی 70 فیصد افرادی قوت کو ملازمت دیتے ہیں۔

مسٹر فاروق نے کہا کہ علاقے میں خاندانی جھگڑے بڑھ رہے ہیں۔ یہ خاص طور پر اس وقت ہوتا ہے جب کاروبار کا مالک مر جاتا ہے۔ فاروق کے مطابق چونکہ خاندانی جھگڑے حساس ہوتے ہیں۔ ان کو طے کرنے میں کافی وقت لگتا ہے کیونکہ ایسے معاملات میں صلح کو ترجیح دی جاتی ہے۔

پاور آف اٹارنی کے غلط استعمال کے ایک اور کیس کی تفصیلات بتاتے ہوئے خالد فاروق نے کہا کہ 14 بہن بھائیوں نے خاندان کے ایک فرد کے خلاف اپنے حقوق کی جنگ لڑی۔ اس مثال میں خاندان کے ایک فرد نے عام پی او اے کے غلط استعمال کے ذریعے تمام اثاثوں پر قبضہ کر لیا اور کروڑوں درہم مالیت کے تمام اثاثوں کو اپنے پاس منتقل کر دیا۔

انہوں نے مزید کہا کہ خاندانی کاروباری تنازعات میں کافی وقت لگتا ہے اور بعض اوقات شفافیت کے فقدان، معلومات کے تبادلے کی کمی، اکاؤنٹنگ کا درست ریکارڈ نہ ہونے اور افراد پر آنکھیں بند کر کے اعتماد کرنے کی وجہ سے اس کا پرامن حل تک پہنچنا مشکل ہو جاتا ہے۔

Source: Khaleej Times

متعلقہ مضامین / خبریں

Back to top button