خلیج اردو
ابوظبہی: فیڈرل نیشنل کونسل کی جانب سے جاری ایک رپورٹ میں اس بات کی تصدیق کی گئی ہے کہ وزارت توانائی اور انفراسٹرکچر اور سڑکوں سے متعلق مقامی حکام کے درمیان رابطہ کاری کا فقدان ہے۔
رپورٹ کے مطابق خاص طور پر مرکزی وفاقی سڑکوں پر رفتار کی حد، روشنی اور ایمبولینس پوائنٹس کی تقسیم کے حوالے کوارڈینیشن میں بہتری کی گنجائش ہے۔
ایک رپورٹ کے مطابق متحدہ عرب امارات سڑک کے معیار کے انڈیکس میں دنیا کے سات ٹاپ ممالک میں شامل ہے۔
متعدد مشاہدات میں سب سے اہم وزارت توانائی اور انفراسٹرکچر اور سڑکوں سے متعلقہ حکام کے درمیان ہم آہنگی اور تعاون خاص طور پر رفتار کی حد کے تعین اور ایمبولینس پوائنٹس اور اسٹریٹ لائٹنگ کی تقسیم کے حوالے سے فقدان پایا گیا ہے۔
رپورٹ میں مزید کہا گیا کہ مرکزی وفاقی سڑکوں پر یکساں رفتار کی حد نہ ہونے سے حادثات اور ٹریفک کی خلاف ورزیاں ہوتی ہیں۔
بہت سے علاقوں میں پیدل چلنے والے پلوں کی کمی کی طرح رابطہ کاری کی کمی بھی سڑکوں کی تعمیر کے دوران وزارت کی ہر امارات کی ضروریات سے آگاہی کی کمی کا باعث بنی ہے۔
اس رپورٹ میں حکومتی ردعمل شامل ہے جو کابینہ کے فیصلے پر مبنی ہے جس میں ایمریٹس انفراسٹرکچر اور ہاؤسنگ کونسل کے قیام کی تصدیق کی گئی ہے۔
بتایا گیا ہے کونسل کا مقصد سڑکوں، انفراسٹرکچر اور ہاؤسنگ منصوبوں کو متحد کرنا اور وزارت اور وفاقی اور مقامی حکومتی اداروں کے درمیان تعاون کو بڑھانا ہے۔
وفاقی سڑکوں کا نیٹ ورک بنیادی طور پر شاہراہوں پر مشتمل ہے جو سات امارات کو آپس میں ملاتی ہے جس کا مقصد سڑکوں کے نیٹ ورک کی ترقی اور بہتری ہے۔
رپورٹ میں چھ اہم پہلوؤں کی نشاندہی کی گئی ہے۔
سب سے اہم پالیسیوں، حکمت عملیوں اور زمینی اور سمندری نقل و حمل کے مسائل سے متعلق قانون سازی، ہاؤسنگ پراجیکٹس، اندرونی سڑکوں، وفاقی سڑکوں کے منصوبے اور عوامی سہولیات کے بنیادی ڈھانچے کا انتظام اور نفاذ ہے۔
رپورٹ کے مطابق وزارت توانائی اور انفراسٹرکچر ملک میں ہاؤسنگ سیکٹر، توانائی، انفراسٹرکچر، ٹرانسپورٹیشن، سہولیات اور ڈیموں سے متعلق شہری ترقیاتی منصوبے اور ڈیٹا بیس کا مطالعہ، تیاری اور اپ ڈیٹ کرنے کی ذمہ دار ہے۔
Source: Khaleej Times
