خلیج اردو آن لائن:
اگر آپ کو متحدہ عرب امارات کے شناختی کارڈ کی ہارڈ کاپی ابھی تک موصول نہیں ہوئی تو پریشان ہونے کی کوئی بات نہیں ہے۔ کیونکہ اب آپ اسمارٹ موبائل ایپ کے ذریعے اماراتی شناختی کارڈ کی الیکٹرانک حاصل کر سکتے ہیں اور اسے ہارڈ کاپی کی طرح استعمال کر سکتے ہیں۔
How to obtain the upgraded version of the National Identity documents.
_____#ICAUAESmart #ICAUAE #eServices #SmartServices pic.twitter.com/yomcS6pNpQ
— Identity and Citizenship- UAE (@ICAUAE) June 14, 2021
متحدہ عرب امارات کی شناخت اور شہریت سے متعلق وفاقی اتھارٹی آئی سی اے نے اماراتی شناختی کارڈ کے جدید ورژن کے اجراء کا آغاز کر دیا ہے۔
شناختی کارڈ کی الیکٹرانک کاپی آئی سی اے یو اے ای کی اسمارٹ موبائل ایپ پر دستیاب ہوگی۔ اور یہ ایپ انڈرائڈ اور آئی او ایس سے مفت ڈاؤنلوڈ کی جا سکتی ہے۔
آئی سی اے نے شناختی کارڈ کے حصول لیے درخواستیں دینے والے افراد کو ہدایت کی ہے جب تک انکے کارڈ پرنٹ نہیں ہو جاتے وہ تمام سرکاری سروسز حاصل کرنے کے لیے شناختی کارڈ کے الیکٹرانک ورژن کا استعمال کر سکتے ہیں۔
یہ خود کار طریقے سے جنریٹ ہوتا ہے اور اس میں ایک کیو آر کوڈ شامل ہوتا ہے جو سرکاری ڈیپارٹمنٹس سرکاری مقاصد کے لیے استعمال کیا جا سکتا ہے۔ اور شناختی کارڈ کا الیکٹرانک ورژن پرنٹ شدہ کارڈ کی طرح کی کار آمد اورقابل قبول ہے۔
مزید برآں، آئی سی اے نے تمام متعلقہ حکام اور سروسز فراہم کرنے والے اداروں سے رابطہ کرنے کے بعد انہیں الیکٹرانک آئی ڈی کی بنیاد پر سروسز فراہم کرنے کا کہ دیا گیا ہے۔
شناختی کارڈ کی الیکٹرانک کاپی حاصل کرنے کے لیے درج ذیل طریقہ کار اپنائیں:
- آئی سی اے کی موبائل ایپ (ICA UAE Smart) ڈاؤںلوڈ کریں
- ایپ کے ڈاکومنٹ والٹ میں شناختی کارڈ کی الیکٹرانک کاپی محفوظ کرنے کے لیے کیو آر کوڈ اسکین کریں
- پھر شناختی کارڈ کی اس الیکٹرانک کاپی کو ہر قسم کی سروسز حاصل کرنے کے لیے استعمال کریں۔
Source: Khaleej Times
