متحدہ عرب امارات

متحدہ عرب امارات: خاتون کو چاقو کے وار کرکے قتل کرنے والے کو پولیس نے واردات کے دو گھنٹوں کے اندر گرفتار کر لیا

خلیج رادو
شارجہ: شارجہ پولیس نے 20 سالہ لڑکی کی کار سے لاش ملنے کے دو گھنٹے کے بعد قتل کے ملزم کو گرفتار کر لیا ہے۔

پولیس ریکارڈ کے مطابق عرب متاثرہ لڑکی کی والدہ نے جمعے کی سہ پہر اپنی بیٹی کے لاپتہ ہونے کی اطلاع دی اور الزام لگایا کہ اسے اس کی عمارت کی پارکنگ سے ایک شخص نے اغوا کیا ہے۔ انہوں نے بتایا کہ یہ واقعہ خاندانی تنازعات کی وجہ سے ہے۔

پولیس نے پارکنگ میں موجود سی سی ٹی وی کیمرے کی فوٹیج سے مشتبہ شخص کی شناخت کی۔ فوٹیج میں ملزم کو اپنی گاڑی کے اندر خاتون پر حملہ کرتے اور چاقو کے کئی وار کرتے ہوئے دکھا جا سکتا ہے۔

قتل کے بعد وہ مقتولہ کی کار میں اس کی لاش کو اپنے ساتھ لے کر فرار ہوگیا۔

متعلقہ مضامین / خبریں

محکمہ فوجداری تحقیقات کے ڈپٹی ڈائریکٹر کرنل فیصل بن نصر نے بتایا کہ ٹیم کی جانب سے تلاشی اور تفتیش کے طریقہ کار کے ذریعے متاثرہ کی گاڑی اور اس کی لاش ملی۔

ٹیم نے تفتیش جاری رکھی اور 120 منٹ سے بھی کم وقت کے اندر مشتبہ شخص کو ڈھونڈ نکالا جو ساحل سمندر پر حکام سے بچنے کی کوشش کر رہا تھا۔ پولیس کی جانب سے اسے گرفتار کر لیا گیا۔

ملزم نے اعتراف کیا کہ اس نے جرم ذاتی اختلافات کی وجہ سے کیا اور کیس پبلک پراسیکیوشن کو منتقل کر دیا گیا۔

شارجہ پولیس کے کمانڈر انچیف میجر جنرل سیف الزاری الشمسی نے پولیس ٹیم کی کارکردگی اور امارات میں سیکورٹی اور حفاظت کو برقرار رکھنے کے لیے ان کی دلچسپی کی تعریف کی۔

Source: Khaleej Times

متعلقہ مضامین / خبریں

Back to top button