متحدہ عرب امارات : روڈ اسٹنٹ کرنے کے الزام میں ڈرائیور گرفتار-

راس الخیمہ پولیس نے جمعرات کے روز ایک "لاپرواہ” ڈرائیور کو گرفتار کیا جو عوامی سڑک پر اسٹنٹ کرنے میں ملوث تھا۔

آر اے کے پولیس کے ذرائع کا کہنا ہے کہ انہیں ڈرائیور کے بارے میں آگاہ کیا گیا تھا- اس نے "لاپرواہی” اور "غیر ذمہ داری” کے ساتھ سڑک استعمال کرنے والوں کی زندگی کو خطرے میں ڈالا-

انہوں نے کہا ، "ڈرائیور نے تیز رفتاری اور اسٹنٹ کرکے لوگوں کی زندگی کو خطرے میں ڈالا اور ٹریفک کے تمام قواعد و ضوابط کی خلاف ورزی کی”

پولیس ایکشن میں آئی اور ریکارڈ وقت میں اس کی نشاندہی کی اور اس کا پتہ لگایا۔

اسٹنٹ میں ملوث کار کو گھیرے میں لے لیا گیا ، جبکہ کیس فائل قانونی کارروائی کے لئے متعلقہ بوڈییز کے پاس بھیج دی گئی۔

حکام نے بتایا ، "غلط کام کرنے والے ڈرائیور کو سخت سزا دی جائے گی۔”

انہوں نے نشاندہی کی کہ، "آر اے کے پولیس صفر رواداری کے ساتھ ایسے غیر قانونی طریقوں کو نپٹائے گی- غلط کام کرنے والے ڈرائیوروں کو قانونی کارروائی کا سامنا کرنا پڑے گا۔”

اس سال مئی میں ، آر اے کے پولیس نے شام کے علاقے میں ایک عوامی روڈ پر اسٹنٹ میں ملوث دو ڈرائیوروں کو گرفتار کیا تھا۔

"ان میں شامل دو کاروں کو گھیرے میں لے لیا گیا تھا، جبکہ 20 اور 30 ​​سال کی عمر کے ان دونوں ڈرائیوروں کو قانونی کارروائی کے لئے متعلقہ بوڈیز کے حوالے کردیا گیا تھا۔”

2019 کے آخر میں ، العین ٹریفک عدالت نے عوامی سڑک پر سنگین اسٹنٹ میں ملوث ایک ڈرائیور کو تین ماہ جیل میں رہنے کا حکم دیا تھا-

ذرائع کے مطابق ، ایک ڈرائیور کو ، کار اسٹنٹ کرنے پر 40 لاکھ کا بھاری جرمانے کا حکم دیا گیا تھا۔

"انہوں نے ٹریفک کی لرزہ خیز خلاف ورزی کے لئے جو کار استعمال کی تھی اسے ضبط کرلیا تھا ، جبکہ اس کے ڈرائیونگ لائسنس کی معطلی کا بھی حکم دیا گیا تھا۔”

اگست 2019 میں ، شارجہ میں تین نوجوان ڈرائیوروں کو روڈ اسٹنٹ کا مظاہرہ کرنے کے الزام میں گرفتار کیا گیا تھا-

سوشل میڈیا پر وائرل ویڈیو میں پراسیکیوٹر۔ 23 ، 24 اور 25 سال کے ڈرائیوروں کو عارضی حراست میں رکھا گیا تھا۔

Source : Khaleej Times
19 June 2020