خلیج اردو: متحدہ عرب امارات کی وزارت صحت اور روک تھام (MOHAP) نے جدید ترین طبی جانچ کے آلات کا استعمال کرتے ہوئے گزشتہ 24 گھنٹوں کے دوران 226,153 اضافی کووڈ-19 ٹیسٹ کرنے کے بعد 398 نئے کورونا وائرس کیسز کی تشخیص کا اعلان کیا جس کے بعد متحدہ عرب امارات میں کووڈ-19 کیسز کی کل تعداد 1,018,779 ہوگئی ہے۔
ایک بیان میں، وزارت نے کورونا وائرس کے کیسز کی جلد تشخیص اور ضروری علاج کروانے کے لیے ملک بھر میں جانچ کے دائرہ کار کو جاری رکھنے کے اپنے مقصد پر زور دیا۔ وزارت نے مزید کہا کہ گزشتہ 24 گھنٹوں میں کووڈ-19کے باعث کوئی نئی موت ریکارڈ نہیں ہوئی ہے، جس سے مرنے والوں کی تعداد 2,342 رہ گئی ہے۔
