خلیج اردو
دبئی پانچ روز قبل کنویں میں گرنے والا مراکش کا پانچ سالہ ریان جاں بحق ہوگیا۔پانچ سالہ ریان کو آج ریسکیو ٹیموں نے مردہ حالت میں کنویں سے باہر نکالا۔رین کی موت کی خبر دنیا بھر میں پھیلی تو لوگوں نے دکھ اور افسوس کا اظہار کیا۔ریان کی کنویں میں گرنے کی خبریں سامنے آنے کے بعد پوری دنیا میں ٹویتر پر سیو ریان کا ٹرینڈ شروع ہوگیا تھا۔
متحدہ عرب امارات کی قیادت نے بھی ننھے ریان کی موت پر گہرے دکھ اور افسوس کا اظہار کیا ہے۔متحدہ عرب امارات کے وزیر اعظم اور دبئی کے حکمران شیخ محمد بن راشد المکتوم نے اپنے ٹوئٹر پیغام میں ریان کے خاندان اور مراکش کی عوام سے تعزیت کا اظہار کرتے ہوئے کہا کہ وہ اس غم میں انکے ساتھ برابر کے شریک ہیں۔
دبئی کے ولی عہد شیخ حمدان بن محمد نے بھی دکھ کا اظار کرتے ہوئے ریان کی تصویر اپنے ٹویٹر اور انسٹاگرام پر پوسٹ کردی۔
— Hamdan bin Mohammed (@HamdanMohammed) February 6, 2022
عجمان کے ولی عہد شہزادہ عمار بن حمید النعیمی نے کہا کہ دکھ اور مشکل کی اس گھڑی میں ہم ریان کے خاندان اور دوست ملک مراکش کی عوام کے ساتھ ہیں۔
شیخ محمد کی بیٹیوں شیخہ مریم محمد راشد آل مکتوم اور شیخہ لطیفہ بنت محمد بن راشد المکتوم نے بھی ننھے ریان کے خاندان کے ساتھ تعزیت کا اظہار کیا۔
