اب آپ بینک کی نئی اسکیم کے تحت اپنی تنخواہ کا 50 فیصد ایڈوانس نکال سکتے ہیں، اس کیلئے کیا شرائط ہیں جانیئے

خلیج اردو
ابوظبہی: ابوظہبی اسلامی بینک اے بی آئی ڈی کی جانب سے متعارف کرایا گیا ایک نیا فیچر صارفین کو بینک کی مخصوص موبائل ایپ کا استعمال کرکے معمول کی تنخواہ سے پہلے اپنی تنخواہ 50 فیصد تک حاصل کرنے کی اجازت دے گا۔

معروف اسلامی مالیاتی ادارے نے اپنی سیلری ایڈوانس پروڈکٹ یوسر اے بی آئی ڈی دراصل سیلری ایڈوانس کے اجراء ہے جس کا اعلان کردیا گیا ہے۔ جدید شریعت کے مطابق پراڈکٹ اور خدمات فراہم کرنے کے اپنے عزم کے حصے کے طور پر بینک اپنے صارفین کو مرابحہ ڈھانچہ کی بنیاد پر فوری طور پر پیشگی تنخواہ کی رقم حاصل کرنے کی اجازت دے گا۔

نئی پروڈکٹ تک موبائل بینکنگ ایپ کے ذریعے رسائی حاصل کی جا سکتی ہے اور اسے موجودہ ابوظبہی اسلامک بنک سیلری ٹرانسفر کسٹمرز، دونوں متحدہ عرب امارات کے شہریوں اور غیر ملکیوں کی مدد کے لیے ڈیزائن کیا گیا ہے تاکہ وہ اپنے مالی معاملات کا انتظام کر سکیں اور ان کی قلیل مدتی فنڈنگ ​​کی ضروریات کو پورا کر سکیں۔

اس پروڈکٹ کا مقصد صارفین کو سہولت فراہم کرنا اور ان کی تنخواہوں کے 50 فیصد تک رسائی میں مدد کرنا ہے۔ اس کیلئے زیادہ سے زیادہ 50,000 کی رقم حد ہے اوریہ ان تنخواہ دار افراد کو پیش کیا جائے گا جن کی کم از کم آمدنی 5,000 درہم ماہانہ ہے۔

ابوظبہی اسلامک بنک یوسر سیلری ایڈوانس فنانس کے قائم مقام سربراہ سمیح عوادلہ کا کہنا ہے کہ یہ ہماری جدید ڈیجیٹل مصنوعات فراہم کرنے کے ہمارے عزم کا نتیجہ ہے جو ان کی روزمرہ کی ضروریات کو پورا کرتے ہیں اور صارفین کی مدد کرنے کی بینک کی مجموعی حکمت عملی جدید مصنوعات اور خصوصیات کے ذریعے نئے مواقع سے فائدہ اٹھاتی ہے۔

سیلری ایڈوانس پروڈکٹ موجودہ تنخواہ دار صارفین کے لیے دستیاب ہے جن کی تنخواہ کم از کم پچھلے تین مہینوں سے ابوظبہی اسلامک بنک میں جمع کی گئی ہے۔ صارفین موبائل ایپ کے ذریعے یوسر کے لیے درخواست دینے کے لیے اپنی اہلیت کی جانچ کر سکتے ہیں۔

اگر جدت کی بات کی جائے تو ابوظبہی اسلامک بنک کا نام سامنے آتا ہے۔بنک کو گلوبل فنانس میگزین کی طرف سے انوویٹر ایوارڈ سے نوازا گیا ہے۔ پچھلے سال کے دوران بینک نے اموالی کا آغاز کیا ہے۔
Source: Khaleej Times