خلیج اردو آن لائن:
ابوظہبی پولیس کی جانب سے ایک ویڈیو جاری کی گئی جس میں سڑک پر گاڑی چلاتے ہوئے سامنے جانے والی گاڑی سے مناسب فاصلہ نہ رکھنے سے پیدا ہونے والے خطرے کی نشاندہی کی گئی ہے۔
یہ ویڈیو ابوظہبی پولیس کی طرف سے جاری "سیفٹی پاتھ” نامی مہم کے تحت شیئر کی گئی ہے۔ جس میں معاشرے کے افراد سے ڈرائیوروں کے اس رویہ پر رائے کا اظہار کرنے کا کہا گیا ہے۔
مزید برآں، ابوظہبی کے ٹریفک قوانین کے مطابق سامنے جانے والی گاڑی سے مناسب فاصلہ نہ رکھنا ٹریفک قوانین کی خلاف ورزی ہے جس کی سزا 400 درہم جرمانہ اور 4 ٹریفک پوائنٹ ہے۔ پولیس کی جانب سے مزید بتایا گیا ہے کہ 2020 کے لاء نمبر 5 کے مطابق سامنے والی گاڑی سے مناسب فاصلہ نہ رکھنے کے باعث اگر حادثہ پیش آتا ہے تو اس کی سزا گاڑی کی ضبطگی ہے۔ اور گاڑی کو بازیاب کروانے کے لیے 5 ہزار درہم جرمانہ 3 ماہ کے اندر اندر جمع کروانا ہوگا۔ بصورت دیگر گاڑی نیلام کر دی جائے گی۔
#فيديو | بثت شرطة أبوظبي بالتعاون مع مركز المتابعة والتحكم- أبوظبي وضمن حملة " درب السلامة " ومبادرة "لكم التعليق" فيديو لعدم ترك مسافة أمان كافية خلف المركبات الأمامية.#درب_السلامة #لكم_التعليق#عدم_ترك_مسافة_أمان_كافيةhttps://t.co/UAlp0WCBQE pic.twitter.com/DjLhPD24GU
— شرطة أبوظبي (@ADPoliceHQ) June 25, 2021
ابوظہبی ٹریفک پولیس کی جانب سے ڈرائیوروں کو ہدایت کی گئی ہے کہ وہ دوران ڈرائیونگ سامنے والی گاڑی سے مناسب فاصلہ رکھیں تاکہ کسی بھی حادثے محفوظ رہا سکے۔
Source: Gulf Today.