ہمیں مفت پانی مل گیا’: دبئی کے رہائشیوں اور سیاحوں نے پلاسٹک کی بوتلوں کو خیرباد کہہ دیا

خلیج اردو: بدھ کے روز دبئی کے کین اسٹیشنوں پر بلا تعطل مفت پانی بہتا رہا، کیونکہ درجنوں رہائشیوں اور سیاحوں نے ‘تبدیلی ‘ کو اپناتے ہوئے ایک بار استعمال ہونے والی پلاسٹک کی بوتلوں کوضائع کرنے کا عہد کرلیا۔

صرف دبئی ورلڈ ٹریڈ سینٹر (DWTC) کے واٹر سٹیشن پر، 150 سے زیادہ لوگوں کو صرف 90 منٹ میں اپنی بوتلیں بھرتے ہوئے دیکھا گیا۔ تقریباً 65 نے ال شنداغہ نل پر اپنی پیاس بجھائی، جبکہ الغبیبہ میٹرو اسٹیشن کے قریب ایک گھنٹے کے اندر 88 ری فلز ریکارڈ کی گئیں۔

بدھ کے روز ہی شنداگھا ہیریٹیج گاؤں کا دورہ کرنیوالے ایک اطالوی سیاح اینڈریو نے کہا کہ "میں بہت شکر گزار تھا، اس لمحے جب میں نے یہ فلنگ اسٹیشن دیکھا۔ اپنی پیاس بجھانے کے دوران پلاسٹک کے استعمال کو کم سے کم کرنے میں اپنا حصہ ڈال کر بہت اچھا لگا،”
انہوں نے مزید کہا کہ "دبئی پائیداری کے اہداف کو بہت سنجیدگی سے لے رہا ہے اور میں جلد ہی دوسروں کو اس کی پیروی کرتے ہوئے دیکھ سکتا ہوں۔”

دبئی کے ولی عہد، شیخ ہمدان بن محمد بن راشد المکتوم نے منگل کے روز، دبئی کین انشیٹیو لانچ کیا جسکا مقصد پلاسٹک کے فضلے کو فعال طور پر کم کرنے کے لیے بڑے پیمانے پر کارروائی کی ترغیب دینا ہے۔

سب کو مفت پانی فراہم کرنے کے لیے چونتیس اسٹیشن بنائے گئے تھے، تاکہ رہائشی اور زائرین ایک بار استعمال ہونے والی پلاسٹک کی بوتلوں میں پانی پر انحصار کم کر سکیں۔ پچاس مزید سٹیشن جلد ہی آ رہے ہیں، جن کا کل ہدف 1,000 سے زیادہ واٹر سٹیشنوں کا ہے۔ کمپنیاں آسانی سے اپنے احاطے میں پینے کے اسٹیشن کی تنصیب کی درخواست کر سکتی ہیں۔

روسی سیاح الیونا اور وکٹر نے اس اقدام کو اتنا پسند کیا کہ انہوں نے دبئی کی سیر کے دوران قریبی واٹر اسٹیشنوں پر نظر رکھی۔

انہوں نے بتایا کہ "میری اہلیہ الیونا ایک بار استعمال ہونے والے پلاسٹک کی ہماری کھپت کو کم کرنے کے عزم پر پختہ ہیں۔ اس نے خبر پڑھنے کے بعد پانی کی تین بوتلیں دوبارہ بھرنے کے لیے محفوظ کر لی تھیں، اور اب ہم یہاں اپنی بوتلیں دوبارہ بھر رہے ہیں،”

یہاں تک کہ بچے بھی دل سے عہد لے رہے ہیں۔ ان میں سے بہت سے لوگوں کو نلکی کی طرف بھاگتے ہوئے دیکھا گیا، جن کے ہاتھ میں ان کے گلاس تھے

دبئی میونسپلٹی میں صفائی کا عملہ سڑکوں پر پانی کی کم بوتلیں دیکھنے کا منتظر ہے۔

دیرا کو صاف رکھنے والے ایک پاکستانی کارکن احمد نے کہا کہ عام طور پر سڑک کے کنارے 10 ڈبوں سے 150 سے زیادہ پانی کی بوتلیں جمع کی جاتی ہیں۔ "یہ علاقہ ایک کاروباری مرکز ہے، اور ہمیں اکثر ڈبوں کے کچرے کے تھیلے بھرتے ہی تبدیل کرنا پڑتے ہیں۔ زیادہ تر فضلہ پلاسٹک کا ہوتا ہے۔

انہوں نے مزید کہا کہ اوسطاً، وہ روزانہ تقریباً 20 چھوٹی بوتلیں سڑکوں سے چنتے ہیں۔

اسلامی تعلیمات کے تناظر میں اس کی وضاحت کرتے ہوئے، انہوں نے نبی اکرم صلی اللہ علیہ وسلم کی ایک حدیث بیان کی: "رسول اللہ صلی اللہ علیہ وسلم سے پوچھا گیا، ‘کون سا صدقہ افضل ہے؟’ آپ نے جواب دیا، ‘پانی دینا۔’ [ابو داؤد] قرآن پاک میں ہے کہ ہم پانی کے ذریعے ہر چیز کو زندگی بخشتے ہیں۔