خلیجی خبریںمتحدہ عرب امارات

سعودی عرب میں پہلا روزہ کب ہوگا

خلیج اردو: سعودی ماہر فلکیات ڈاکٹرعبداللہ المسند نے کہا ہے کہ اس سال رمضان کا پہلا روزہ جمعرات 23 مارچ 2023 کو ہونے کا امکان ہے۔

القصیم یونیورسٹی میں فلکیات کے سابق پروفیسر اور موسمیات کی سوسائٹی کے ڈپٹی چیئرمین نے کہا کہ اس مرتبہ شعبان 30 دن کا ہوگا کیوں کہ 29 شعبان بہ مطابق 21 مارچ، منگل کو چاند سورج غروب ہونے سے تقریباً 9 منٹ پہلے چھپ جائے گا۔

ماہر فلکیات کے مطابق چاند اور سورج کا ملاپ 29 شعبان بہ مطابق 21 مارچ کی شام کو 8 بجکر 23 منٹ پر ہوگا، اور رمضان کا پہلا روزہ 23 مارچ کوہونے کا امکان ہے۔

سبق ویب سائٹ کے مطابق اس سے قبل متحدہ عرب امارات میں فلکیاتی انجمن کے سربراہ ابراہیم الجروان نے بھی کہا تھا کہ اس سال رمضان کا پہلا روزہ جمعرات 23 مارچ کو ہونے کا امکان ہے۔

انھوں نے کہا تھا کہ روزے کا دورانیہ 14 گھنٹے ہوگا، جب کہ رواں برس عید الفطر جمعہ 21 اپریل کو ہونے کی توقع ہے۔

متعلقہ مضامین / خبریں

Back to top button