عالمی خبریں

امریکی صحافی گرفتار، وائٹ ہاؤس کا شہریوں کو روس چھوڑنے کا مشورہ

خلیج اردو

واشنگٹن : ماسکو: امریکی صحافی کی روس میں گرفتاری کے بعد وائٹ ہاؤس نے اظہار تشویش ظاہر کرتے ہوئے اپنے شہریوں کو فوری طور پر روس چھوڑنے کی ہدایت جاری کر دی ہے ۔

برطانوی میڈیا کے مطابق روس میں حکام نے وال اسٹریٹ جرنل کے ماسکو بیورو میں کام کرنے والے امریکی رپورٹر ایون گرشکووچ کو جاسوسی کے الزام میں گرفتار کر لیا ہے۔

صحافی کو حکام نے روس کی ایک عدالت میں پیش کیا جہاں سے ایون گرشکووچ کو 29 مئی تک حراست میں رکھنے کا حکم جاری کر دیا گیا۔

عالمی میڈیا کے مطابق امریکی دفتر خارجہ نے روس میں امریکی رپورٹر کی گرفتاری پرتشویش ظاہر کرتے ہوئے کہا ہے کہ صحافیوں اور میڈیا کے خلاف روس کے اقدامات قابل مذمت ہیں۔

 

امریکہ کے سیکریٹری خارجہ انٹونی بلنکن نے اس حوالے سے کہا ہے کہ وہ امریکی رپورٹر کے اخبار وال اسٹریٹ جرنل سے رابطے میں ہیں۔

امریکی ذرائع ابلاغ کے مطابق وائٹ ہاؤس نے اس حوالے سے مؤقف اختیار کیا ہے کہ روس میں حکومت کی جانب سے امریکی شہریوں کے خلاف کارروائیاں قابل قبول نہیں ہیں، جو بائیڈن انتظامیہ گرفتار رپورٹر کے خاندان اور روسی حکومت سے مسلسل رابطے میں ہے۔

متعلقہ مضامین / خبریں

Back to top button