خلیج اردو
انقرہ :ترکیہ کے صدر رجب طیب اردگان نے کہا ہے کہ ترکی میں تباہ کن زلزلوں سے تقریباً 20 ملین افراد متاثر ہوئے۔ انہوں نے دبئی میں ورلڈ گورنمنٹ سمٹ 2023 کے شرکاء کو پہلے سے ریکارڈ شدہ ویڈیو پیغام میں کہا کہ نقصان 10 صوبوں کے 500 کلومیٹر چوڑے علاقے تک پھیلا ہوا ہے جہاں 13.5 ملین لوگ آباد ہیں۔
اردگان نے ہلاکتوں کی بڑھتی ہوئی تعداد کے درمیان بچ جانے والوں کی مدد اور آفات سے بحالی کے لیے ترکی کی کوششوں پر روشنی ڈالی اور کہا کہ زلزلوں کو نہ صرف ہمارے ملک کی تاریخ کی سب سے بڑی قدرتی آفات میں سے ایک یاد رکھا جائے گا ۔
انہوں نے بتایا کہ 81,000 سے زیادہ زخمی زلزلہ زدگان کو ہسپتالوں سے فارغ کر دیا گیا ہے، اور 8000 سے زیادہ لوگوں کو ملبے سے بچایا گیا ہے، دنیا بھر سے تعینات سرچ اینڈ ریسکیو ٹیمیں مزید زندہ بچ جانے والوں کی تلاش کے لیے اپنا کام جاری رکھے ہوئے ہیں۔
ملک دو زلزلوں کی زد میں آیا، جس کے نتیجے میں 35,000 سے زیادہ اموات ہوئیں۔
اردگان کے مطابق "سائنس دانوں نے کہا ہے کہ ان زلزلوں سے خارج ہونے والی توانائی 500 ایٹم بموں جتنی طاقتور ہے،
ترکی نے زلزلے سے متاثرہ علاقے میں لیول 4 ایمرجنسی نافذ کر دی تھی۔ ایردوان نے کہا کہ حکومت جلد ہی تعمیراتی کوششیں شروع کرے گی۔
انہوں نے متحدہ عرب امارات اور عالمی حکومتوں کی جانب سے زلزلہ سے متاثرہ ملک کی امداد اور تعاون پر شکریہ ادا کیا۔ انہوں نے مزید کہا کہ ترکی کو 100 سے زائد ممالک سے حمایت اور تعزیتی پیغامات موصول ہوئے ہیں۔
