کورونا وائرس : مثبت پہلو کیا ہے جس نے انسانیت اور ماحول کو فائدہ پہنچایا؟

• خلیج اردو
  11 دسمبر 2020
  پیرس : کورونا وائرس نے جہاں انسانیت کو اپنی لپیٹ میں لیا ہے اور قیمتی جانوں کے ساتھ ساتھ معیشت پر گہرا اثر ڈالا ہے وہاں لاک ڈاؤن کی وجہ سے کاربن کے اخراج میں کمی بھی ریکارڈ کی گئی ہے۔

گلوبل کاربن پراجکٹ کے مطابق اس سال کورونا وائترس کی وجہ سے لاک ڈاؤن ہوا جس کی بدولت ماحول پر خوشگوار اثر پڑا اور کاربن سمیت زہریلی گیسز کے اخراج میں 7 فیصد تک کمی واقع ہوئی ۔ اس رپورٹ کے پیچھے محققین کی بین الاقوامی ٹیم نے کہا ہے کہ اس سال جیواشم ایندھن اور صنعت سے اخراج 34 بلین ٹن CO2 کے برابر ہوگا جو اب بھی زمین کے باقی کاربن بجٹ کا ایک اہم حصہ ہے۔

عالمی کاربن پروجیکٹ کے مطابق اخراج میں کمی سب سے زیادہ ریاستہائے متحدہ میں 12 فیصد اور یوروپی یونین میں 11 فیصد تک نیچے آئی ہے۔ تاہم چین میں لاک ڈاؤن کا دورانیہ کم ہونے کی وجہ سے صرف 1.7 فیصد کمی آئی کیونکہ چین وہ ملک ہے جس نے بہت جلد وائرس پر قابو پاکر کاروباری سرگرمیاں بحال کیں تھیں۔

عام طور پر اقوام متحدہ کے آب و ہوا کے مذاکرات کے دوران پیش کی جانے والی اس تحقیق میں جس نے وبائی بیماری کی وجہ سے اس سال 2021 تک تاخیر کی تھی کہا ہے کہ عالمی کاربن کے اخراج میں اضافہ کم ہونا شروع ہوگیا ہے۔ تاہم ماہرین نے متنبہ کیا کہ یہ کہنا ابھی قبل از وقت ہوگا کہ 2021 میں اور اس سے آگے اخراجات کتنی جلدی معمول پر واپس آئی گی۔

برطانیہ کی مشرقی انجلیہ یونیورسٹی میں موسمیاتی ماہر کورین لی کوئری کا کہنا ہے کہ عالمی سطح پر زہریلے عناصر کے اخراج میں مسلسل کمی کیلئے ابھی تک تمام عناصر اپنی جگہ پر نہیں ہیں اور اخراج آہستہ آہستہ 2019 کی سطح کی طرف آرہے ہیں۔

پیرس آب و ہوا کے معاہدے کے تحت اس دہائی میں سالانہ 1 سے 2 ارب ٹن کے اخراج میں کمی کی ضرورت ہوتی ہے تاکہ درجہ حرارت میں اضافے کو 2C سے نیچے رکھا جا سکے ۔ اقوام متحدہ نے اس ہفتے خبردار کیا ہے کہ 2020 میں غیر معمولی اخراج کے زوال کا گرین انرجی میں عالمی سطح پر تبدیل کیے بغیر طویل مدتی گولبل وارمنگ پر نہ ہونے کے برابر اثر پڑے گا۔

Source : Gulf News