خلیج اردو آن لائن:
سعودی عرب کی وزارت برائے ٹورازم کی جانب سے اعلان کیا گیا ہے کہ سعودی عرب یکم اگست سے ویزٹ ویزوں کے حامل افراد کو ملک میں داخلے کی اجازت دے دے گا۔
سعودی پریس ایجنسی کے مطابق مکمل طور پر ویکسین لگوا لینے والے سیاح بغیر قرنطینہ کے ملک میں داخل ہو سکیں گے۔ تاہم، انہیں سعودی عرب پہنچنے پر سرکاری ویکسی نیشن سرٹیفکیٹ اور کورونا پی سی آر ٹیسٹ کی منفی رپورٹ دیکھانا ہوگی۔ کورونا ٹیسٹ پرواز سے پہلے 72 گھنٹوں کے دوران کروایا گیا ہو۔
مزید برآں، سعودی عرب آنے والے سیاحوں کو ویکسین سے متعلق اپنی معلومات توکلنا ایپ کے علاوہ ایک اور الیکٹرانک پورٹل پر بھی رجسٹر کرنا ہوگا۔ یہ ایپلیکیشن سیاحوں کو عوامی مقامات میں داخلے اجازت دے گی۔
سعودی عرب میں درج ذیل ویکسین منظور کی گئی ہیں:
- فائزر
- آسٹرازینیکا
- موڈرنا
- جانسن اینڈ جانسن کی ایک خوراک
Source: Gulf Today.
