عالمی خبریں

سرینگر کے آنسو ہمارے آنسو ہیں اور مظفرآباد کا مسئلہ ہمارا مسئلہ ہے: مشیر ترک صدر

خلیج اردو: ترکیہ پاکستان پارلیمانی فرینڈشپ کے چیئرمین اور صدر طیب اردوان کے مشیر علی شاہین سے کشمیری وفد نے ملاقات کی۔

کشمیری وفد کے سربراہ عبدالرشید ترابی اور حریت رہنما اعجاز احمد شاہ نے کشمیر کی تازہ ترین صورت حال پر انہیں بریفنگ دی۔

عبدالرشید ترابی کا کہنا تھاکہ بھارت کشمیر میں مسلمان آبادی کا تناسب تبدیل کررہاہے، کشمیریوں کی نسل کشی روکنے میں اوآئی سی مؤثر کردار ادا کرے۔

انہوں نے کہا کہ ترکیہ کے متاثرین زلزلہ سے اظہاریکجہتی اور جلد بحالی کی دعا کرتے ہیں۔

اس موقع پر علی شاہین کا کہنا تھاکہ ترکی اور کشمیر ایک ہیں، ترکی کی عوام کشمیری اور پاکستانی بہن بھائیوں کے ساتھ ہیں۔ 

انہوں نے کہا کہ کشمیری عوام کے ساتھ ہیں، ہمارا خون بھی ان کیلئے حاضر ہے، سرینگر کے آنسو ہمارے آنسو ہیں اور مظفرآباد کا مسئلہ ہمارا مسئلہ ہے۔

علی شاہین کا کہنا تھاکہ کشمیر پاکستان اورترکیہ ایک جسد واحد ہیں، ہم کشمیریوں کی جدوجہد آزادی میں منزل کے حصول تک ان کے شانہ بشانہ رہیں گے.

ان کا کہنا تھاکہ صدر ادروان نے ہر بین الاقوامی فورم پر مسئلہ کشمیر اجاگر کیا اور اس کے فوری حل کا تقاضہ کیا۔ 

متعلقہ مضامین / خبریں

Back to top button