عالمی خبریں

تائیوان کا چین کے سامنے جھکنے سے انکار

خلیج اردو: تائیوان اور چین کے درمیان تنازع شدت اختیار کرتا جا رہا ہے اور دونوں ممالک کی جانب سے سخت بیانات سامنے آ رہے ہیں۔

چند روز قبل چین کے صدر شی جن پنگ نے بیان دیا تھا کہ تائیوان کو ہر صورت میں دوبارہ چین کا حصہ بنا کر رہیں گے اور یہ پر امن طریقے سے ہو گا لیکن ساتھ ہی انہوں نے خبردار بھی کیا تھا کہ چین کے عوام علیحدگی کے خلاف ایک عظیم داستان رکھتے ہیں۔

چینی صدر کے اس بیان پر سائی اینگ وین نے ردعمل دیتے ہوئے کہا کہ تائیوان کسی بھی صورت چین کے دباؤ میں آکر نہیں جھکے گا اور اپنے جزیرے کے دفاع کے لیے جمہوری انداز میں جدوجہد جاری رکھے گا۔

چین تائیوان کو اپنا حصہ تصور کرتا ہے جبکہ تائیوان خود کو ایک علیحدہ ریاست مانتا ہے اور اس معاملے پر دونوں ممالک کے درمیان طویل عرصے سے تنازع چلا آ رہا ہے۔

متعلقہ مضامین / خبریں

Back to top button