خلیج اردو
02 مئی 2021
سیالکوٹ : پاکستان کے صوبہ پنجاب کے ضلع سیالکوٹ میں پیش آنے والے ایک واقعے پر ٹویٹر صارفین نالاں ہیں جہاں پنجاب کے وزیر اعلیٰ کی معاون خصوصی برائے اطلاعات فردوس عاشق اعوان نے سیالکوٹ کی اسسٹنٹ کمشنر سونیا صدف کو جھاڑ پلائی ہے۔
اس حوالے سے وائرل ہونے والی ایک ویڈیو میں فردوس عاشق اعوان کی جانب سے رمضان میں خصوصی طور پر بنائے جانے والے رمضان بازار کا دورہ کیا جارہا ہے۔ فردوس عاشق اعوان پھلوں کے ناقص معیار پر شکوۃ کررہی ہوتی ہے لیکن اس دوران وہ اپنی آواز اور انداز میں قدرے تلخ نظر آتی ہے۔
اسسٹنٹ کمشنر سونیا صدف وضاحت دینے کی کوشش کرتی ہے تو فردوس عاشق اعوان مزید سخت الفاظ کا استعمال کرتی ہے جس کو بعض ٹویٹر صارفین کی جانب سے تضحیک امیز کہا گیا ہے۔
مذکورہ ویڈیو ڈان نیوز نے اپنے ٹویٹر اکاؤنٹ پر شیئر کی ہے۔
افسر شاہی کی کارستانیاں حکومت بھگت رہی ہے، آپ عوام کا سامنا کریں چھپ کیوں رہی ہیں؟ معاون خصوصی کا اسسٹنٹ کمشنر سیالکوٹ سے سوال#DawnNews #FirdausAshiqAwan #ACSIALKOT pic.twitter.com/TalNo3Kdc8
— DawnNews (@Dawn_News) May 2, 2021
واقعے پر ردعمل میں
حزب اختلاف کی سیاسی جماعت مسلم لیگ نواز کی سنیئر نائب صدر مریم نواز نے کہا ہے کہ اپنی ناکامی اور بدترین ارکردگی کا غصہ سرکاری افسران پر نکالنا فرعونیت ہے۔رمضان بازاروں ميں غير معياری،مہنگی اشياء حکومتی نالائقی کا منہ بولتا ثبوت ہیں۔سرکاری افسران آپ کے ذاتی ملازم نہیں۔سيالکوٹ کے رمضان بازار ميں خاتون اسسٹنٹ کمشنر سونیا صدف کے ساتھ ہونے والا سلوک قابل مذمت ہے۔
اپنی ناکامی اور بدترین ارکردگی کا غصہ سرکاری افسران پر نکالنا فرعونیت ہے۔رمضان بازاروں ميں غير معياری،مہنگی اشياء حکومتی نالائقی کا منہ بولتا ثبوت ہیں۔سرکاری افسران آپ کے ذاتی ملازم نہیں۔سيالکوٹ کے رمضان بازار ميں خاتون اسسٹنٹ کمشنر سونیا صدف کے ساتھ ہونے والا سلوک قابل مذمت ہے۔
— Maryam Nawaz Sharif (@MaryamNSharif) May 2, 2021
انہوں نے کہا ہے کہ سول سرونٹس اور بیوروکریٹس پڑھ لکھ کر، محنت کر کے، مقابلے کے امتحان پاس کر کے اس مقام تک پہنچتے ہیں، SELECT ہو کر نہیں آتے۔ وزیر ہونے کا مطلب یہ نہیں ہے کہ آپ کو افسران کی تذلیل کا لائسنس مل گیا ہے۔ یہ رعونت قابل قبول نہیں۔ سونیا صدف سے معافی مانگیے،
سول سرونٹس اور بیوروکریٹس پڑھ لکھ کر، محنت کر کے، مقابلے کے امتحان پاس کر کے اس مقام تک پہنچتے ہیں، SELECT ہو کر نہیں آتے۔ وزیر ہونے کا مطلب یہ نہیں ہے کہ آپ کو افسران کی تذلیل کا لائسنس مل گیا ہے۔ یہ رعونت قابل قبول نہیں۔ سونیا صدف سے معافی مانگیے
— Maryam Nawaz Sharif (@MaryamNSharif) May 2, 2021
اس حوالے سے صارفین نے فردوس عاشق اعوان کے رویے پر تبقید کی ہے ۔
Very shameful act by Dr Firdous Ashiq awan treating a burecrate https://t.co/vqsAlPtGXO
— Ali_writes📝 (@anX_muslim) May 2, 2021
Firdous Ashiq Awan should apologize to the Assistant Commissioner. https://t.co/AlmXLOZshQ
— Asif (@RayAssiffrance) May 2, 2021
اس معاملہ پر ایک ویڈیو میں ای سی سونیا صدف نے ردعمل میں کہا ہے کہ گرمیوں کا موسم ہے کوئی پھل خرید ہو سکتا ہے ، انسانی غلطی بھی ہو سکتی ہے ، ہم ہر وقت عوام کی خدمت میں پیش پیش ہوتے ہیں لیکن اس طرح کا رویہ افسوسناک ہے۔
Firdous Ashiq Awan is a crass, uncouth and a vile woman. She’s scolding Assistant Commissioner Sadaf Kanwal, only because the latter asked her to observe covid SOPs.
Look at reply of an innocent & honest lady. #StayStrongSadafKanwal #PakistanHatesImranKhan pic.twitter.com/JEmqEhrLuD— Samina Malik (@SaminaHafeezMa1) May 2, 2021
واقعے پر ردعمل میں چیف سیکرٹری پنجاب جواد رفیق ملک نے افسوس کا اظہار کرتے ہوئے اس کی مذمت کی ہے اور سونیا صدف کی خدمات کو سلام پیش کیا ہے۔ اس حوالے سے مقامی میڈیا چینل سما ٹی وی نے اپنی رپورٹ میں کہا ہے کہ چیف سیکرٹری پنجاب نے واقعے پر اپنے تحفظات سے وزیر اعلیٰ پنجاب کو آگاہ کیا ہے۔
دوسری طرف کچھ صارفین فردوس عاشق اعوان کے اس رویے کو جواز بھی فراہم کررہے ہیں۔