متحدہ عرب امارات کے دو اہم رہنماؤں میں ملاقات ، کرونا وائرس سے نمٹنے کیلئے قومی لائحہ عمل کے حوالے سے تبادلہ خیال

خلیج اردو
02 مئی 2021
ابوظبہی : ابوظبہی کے ولی عہد اور متحدہ عرب امارات کی مسلح افواج کے ڈپٹی سپریم کمانڈر شہزادہ محمد بن زید النہیان نے متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم کا الشاتی محل ابوظبہی میں استتقابل کیا ہے۔

دونوں رہنماؤں کے درمیان ہونے والی ملاقات میں دوستانہ گفتگو کا تبادلہ خیال کیا گیا اور قوم اور اس کے شہریوں سے متعلق متعدد امور پر بات چیت کی گئی۔

His Highness Sheikh Mohamed bin Zayed Al Nahyan receives His Highness Sheikh Mohammed bin Rashid Al Maktoum at Al Shati Palace in Abu Dhabi.https://t.co/powBFQMpwU pic.twitter.com/2gvUGtbVtv

— Dubai Media Office (@DXBMediaOffice) May 2, 2021

متعلقہ مضامین / خبریں

• 
  امارات کا ویزہ تبدیل کرنے کیلئے فضائی سفر مہنگا ہوگیا

  جنوری 18, 2024

ملاقات میں خصوصی طور پر اماراتی شہریوں کو مہذب زندگی مہیا کرنے اور متحدہ عرب امارات کے صدر عزت مآب شیخ خلیفہ بن زید آلنہیان کی سربراہی میں ان کی خوشی اور سماجی استحکام کے حصول سے متعلق اہداف کے حصول سے متعلق امور پر تبادلہ خیال کیا گیا۔

ملاقات میں کرونا وائرس کی وبائی مرض سے نمٹنے کی قومی کوششیں ، زندگی کے مختلف شعبوں پر اس کے اثرات کو کم کرنے اور جلد از جلد معمول کی طرف لوٹنے کے حوالے سے جاری کوششوں پر اطمینان کا اظہار کیا گیا اور اس کے تسلسل کے عزم کا اعادہ کیا گیا۔

دونوں عظیم رہنماؤں نے متحدہ عرب امارات کے بانی رہنماؤں کے خواب اور ویژن اور خاص کر رمضان میں نہ صرف اپنے عوام بلکہ عالمی دنیا کی خدمت کے حوالے سے جاری ترقیاتی منصوبوں اور انسانی ترقی کے اہداف کے حوالے سے متحدہ عرب امارات کی کامیابیوں پر فخر کرتے ہوئے اسے مزید کمال تک پہنچانے کے عزم کا اظہار کیا۔

شاہی محل میں ہونے والے ملاقات میں دبئی کے ولی عہد شہزادہ حمدان بن محمد بن راشد المکتوم ، قومی سلامتی کے مشیر شیخ تہنون بن زید النہیاں ، متحدہ عرب امارات کے نائب وزیر اعظم اور وزیر برائے صدارتی امور منصور بن زید النہیان سمیت اعلی عہدیداروں نے شرکت کی۔

Source : Khaleej Times