خلیج اردو: متحدہ عرب امارات میں ڈکیتی اور حملہ کے الزام میں ایک 43 سالہ شخص کو دو سال قید اور اس کے بعد ملک بدری کی سزا سنائی گئی۔
افریقی مجرم نے مبینہ طور پر سڑک پر سائیکل چلانے والے دو ایشیائی باشندوں پر حملہ کیا اور ان کے موبائل فون اور سائیکل کو چھیننے کے بعد انہیں چاقو لہرا کر ڈرایا۔
اس کے بعد ملزمان نے دوسرے مقتول کو مارا پیٹا جس سے وہ شدید زخمی ہوگیا اور اس وجہ سے اسے کام سے بیس دن کی چھٹی بھی لینا پڑی۔
دونوں متاثرین نے پولیس کو واقعے کی اطلاع دینے کے بعد، جائے وقوعہ کے قریب انتظار میں بیٹھ گئے تاکہ مجرم کو پکڑنے کی کوشش کی جا سکے۔
متاثرین اس ملزم کی شناخت کرنے میں کامیاب ہو گئے جس نے فرار ہونے کی کوشش کی تھی تاہم پولیس نے اسے گرفتار کر لیا اور اس کے قبضے سے موٹر سائیکل اور موبائل فون ضبط کر لیا۔ پولیس نے وہ چاقو بھی قبضے میں لے لیا جس سے وہ لوگوں کو دھمکیاں دیتا اور ڈرایا کرتا تھا۔
پوچھ گچھ کے دوران ملزم نے اپنے اوپر لگنے والے الزامات کی تردید کی، اور کہا کہ اس نے پولیس سے فرار ہونے کی کوشش اسلئے کی تھی کیونکہ وہ اپنے وطن واپس نہیں جانا چاہتا تھا۔
دونوں فریقین کو سننے کے بعد عدالت نے انہیں دو سال قید کی سزا سنائی اور جیل کی سزا کے بعد ملک بدر کرنے کا حکم دیا۔
