خلیج اردو
اسلام آباد : ابوظبہی میں حوثی باغیوں کی جانب سے شہریوں اور شہری تنصیبات پر ڈرون حملے کے بعد پاکستان نے یو اے ای کے ساتھ اظہار یک جہتی کیا ہے۔
پاکستان میں یو اے ای کے سفارتخانے کے مطابق ابوظہبی کے ولی عہد اور اماراتی مسلح افواج کے نائب سپہ سالار اعلی عزت مآب شیخ محمد بن زاید آل نہیان نے اسلامی جمہوریہ پاکستان کے وزیر اعظم جناب عمران خان کا فون سنا ، جس میں انہوں نے حوثی دہشت گرد حملہ کی مذمت کی اور متحدہ عرب امارات کے ساتھ اپنے ملک کی یکجہتی کا اظہار کیا۔
ابوظہبی کے ولی عہد اور اماراتی مسلح افواج کے نائب سپہ سالار اعلی عزت مآب شیخ محمد بن زاید آل نہیان نے اسلامی جمہوریہ پاکستان کے وزیر اعظم جناب عمران خان کا فون سنا ، جس میں انہوں نے حوثی دہشت گرد حملہ کی مذمت کی اور متحدہ عرب امارات کے ساتھ اپنے ملک کی یکجہتی کا اظہار کیا۔ pic.twitter.com/fAL3dprG2E
— UAE Embassy PK (@uaeembassyisb) January 18, 2022
اس سے قبل وزیر خارجہ شاہ محمود قریشی اور یو اے ای کے وزیر خارجہ کے درمیان بھی ٹیلی فونک رابطہ ہوا تھا۔
متحدہ عرب امارات کے وزیر خارجہ عزت مآب شیخ عبداللہ بن زید النہیان،نے وزیر خارجہ کو 17 جنوری کو ابوظہبی میں ہونیوالے المناک دہشتگردی کے حملے کی تفصیلات سے آگاہ کیا
اماراتی وزیر خارجہ نے وزیر خارجہ مخدوم شاہ محمود قریشی کیساتھ دہشت گردی کے واقعہ میں جاں بحق ہونے والے پاکستانی شہری کے انتقال پر دلی تعزیت کی
وزیر خارجہ مخدوم شاہ محمود قریشی نے حوثی ملیشیا کی جانب سے، شہری علاقوں پر کیے گئے دہشت گردانہ حملے کی شدید مذمت کی
وزیر خارجہ نے اس حملے کے نتیجے میں متاثرین کے اہل خانہ اور زخمیوں کی جلد صحت یابی کیلئے دعا کی۔
وزیر خارجہ نے متوفی پاکستانی شہری کی میت کی جلد وطن واپسی اور زخمیوں کیلئے فوری علاج معالجے کی کاوشوں پر اماراتی ہم منصب کا شکریہ ادا کیا
متحدہ عرب امارات کے برادر عوام اور حکومت کے ساتھ اظہار یکجہتی کرتے ہوئے وزیر خارجہ نے کہا کہ
اس طرح کی دہشت گرد کارروائیاں، متحدہ عرب امارات کی خودمختاری اور علاقائی سالمیت کی خلاف ورزی ہیں۔
وزیر خارجہ نے زور دیا کہ امن و امان کیلئے سنگین خطرہ بننے والے اس طرح کے حملوں کو فوری طور پر روکا جانا چاہیے
دونوں وزرائے خارجہ نے پاکستان اور متحدہ عرب امارات کے درمیان قریبی اور تاریخی برادرانہ تعلقات کو مزید مستحکم بنانے کے عزم کا اظہار کیا
