خلیج اردو 11 نومبر 2021
دبئی:متحدہ عرب امارات کے حکمرانوں نے شیخ ہمدان بن محمد بن زید النہیان کی شیخ خلیفہ بن حمدان بن محمد النہیان کی بیٹی شیخہ فاخرہ سے شادی کی تقریبات میں شرکت کی۔
تقریب میں دبئی کے حکمران شیخ محمد بن راشد المکتوم،ابوظہبی کے ولی عہد شیخ محمد بن زید النہیان،سپریم کونسل کے رکن و راس الخیمہ کے حکمران شیخ سعود بن صقر القاسم شریک ہوئے۔
متحدہ عرب امارات کی گولڈن جوبلی کے سلسلے میں 150 اماراتی جوڑوں کی شادی کی تقریبات بھی منعقد کی گئیں۔ شیخ محمد نے ٹوئٹر پر شادیوں میں شرکت پر خوشی کا اظہار کرتے ہوئے لکھا کہ ” ہمدان بن محمد بن زید النہیان کی شادی اور ان کے ساتھ 150 نوجوان اماراتیوں کی شادی کی تقریبات میں شرکت پر کافی خوژی ہوئی۔”
انہوں نے مزید لکھا کہ "ہم معزز النہیان کو مبارکباد پیش کرتے ہیں.. ہم 300 اماراتی خاندانوں کو بھی ان کے بیٹوں اور بیٹیوں کی شادی پر مبارکباد پیش کرتے ہیں۔”
سعدت اليوم كما سعد شعب الامارات بزفاف حمدان بن محمد بن زايد آل نهيان وزفاف 150 شاباً إماراتياً معه .. نبارك لآل نهيان الكرام .. نبارك ل300 أسرة إماراتية زواج أبنائها وبناتها .. نبارك لشعبنا في عامه الخمسين أفراحه ومسراته ونسأل الله أن يديم الخير والبركة علينا جميعاً pic.twitter.com/3drvzt0Uzd
— HH Sheikh Mohammed (@HHShkMohd) November 10, 2021
شادیوں کی تقریبات میں متحدہ عرب امارات کے حکمرانوں کے علاوہ تمام امارات کے شیخوں، وزراء، معززین اور اعلیٰ حکام نے شرکت کی۔
متحدہ عرب امارات کے حکمرانوں، ولی عہد شہزادوں اور نائب حکمرانوں نے نوبیاہتا جوڑے کو مبارکباد دی۔
انہوں نے اماراتی اقدار اور اصولوں کو برقرار رکھتے ہوئے خاندانی بندھنوں اور سماجی ہم آہنگی کو مضبوط بنانے پر قیادت کی خواہش پر بھی زور دیا۔