خلیج اردو آن لائن:
دبئی میں کورونا کے خلاف بنائے گئے قواعد و ضوابط پر عمل نہ کرنے والے دور ریستورانوں کو بند کر دیا گیا۔
دبئی کے محکمہ سیاحت کے مطابق ان ریستورانوں میں صارفین کی مقررہ حد سے زیادہ بھیڑ ہونے کی وجہ سے ان ریستورانوں کو بند کیا گیا۔ ریستورانوں کو بند کیے جانے کے احکامات 23 مئی سے 29 مئی کے درمیان جاری کیے گئے۔
محکمہ سیاحت کی جانب سے بتایا گیا ہے کہ 23 مئی سے 29 مئی کے درمیان 23 مراکز کورونا ایس او پیز کی خلاف ورزی کرتے ہوئے پائے گئے۔
.@DubaiTourism closes 2 restaurants from May 23-29, 2021 for not adhering to the precautionary measures to limit the spread of Covid-19 and allowing guests to congregate. During the same period, 23 venues were found to be non-compliant to the measures. pic.twitter.com/nvm44mBZ4J
— Dubai Media Office (@DXBMediaOffice) May 31, 2021
اگرچہ دبئی میں کورونا سے متعلق ایس او پیز میں نرمی لائی گئی ہے اور وینیوز ویکسین لگوا چکنے والے افراد کے لیے کھول دیے گئے ہیں لیکن پھر بھی دبئی حکام نے نئے کورونا ایس اوپیز پر عمل در آمد کو یقینی بنانےکے لیے انسپیکشن کا عمل تیز کر دیا ہے۔
دبئی اکانومی کی جانب سے اتوار کے روز اعلان کیا گیا ہے کہ محکمے کی جانب سے مالز مارکیٹوں کی گئی انسپیکشن کے دوران 56 جرمانے کیے گئے، جن میں سے متعدد جرمانے ہجوم اکٹھا کرنے اور ماسک نہ پہننے پر کیئے گئے ہیں۔
مزید برآں، حکام کی جانب سے بتایا گیا ہےکہ سپر سیلز کے دوران رقم کی ادائیگی کے کاؤنٹر پر سماجی فاصلے کے اصول کی سب سے زیادہ خلاف ورزی کی جاتی ہے۔
Source: Khaleej Times