خلیج اردو آن لائن:
اگرچہ متحدہ عرب امارات میں 16 سال سے زائد عمر کے تمام افراد کورونا ویکسین لگوا سکتے ہیں۔ لیکن یو اے ای نے اپنے بزرگ شہری اور رہائشیوں کا خاص خیال رکھتے ہوئے انہیں گھر میں کورونا ویکسین لگانے کی سہولت فراہم کی ہے۔
تمام بزرگ شہری اور رہائشی وزارت صحت کی جانب سے فراہم کی گئی اس سہولت سے مستفید ہو سکتے ہیں۔ وزارت صحت کی جانب سے ایک ٹوئیٹ کر کے واضح کیا ہےکہ بزرگ شہریوں اور رہائشیوں کو گھروں میں ہی کورونا ویکسین کیسے لگوائی جا سکتی ہے:
بزرگ افراد کو گھروں میں ویکسین لگوانے کے لیے درج ذیل طریقہ کار اپنانا ہوگا:
وزارت صحت کیجانب سے آگاہ کیا گیا ہےکہ بزرگ شہریوں کو گھروں میں ویکسین لگوانے کے لیے اپوائنٹمنٹ حاصل کرنی ہوگی، جس کے لیے 80011111 کال کرنی ہوگی یا قریبی ہیلتھ سنٹر جانا ہوگا۔ جس کے بعد اپوائنٹمنٹ کے لیے کال کرنے والے کو میسج کے ذریعے اپوائنٹمنٹ سے متعلق آگاہ کر دیا جائے گا۔
To receive COVID 19 vaccine service for elderly citizens and residents at home, you can call 80011111 or contact the nearest health center.#TogetherWeRecover#covid19#mohap_uae pic.twitter.com/l2IcILkhzd
— وزارة الصحة ووقاية المجتمع الإماراتية – MOHAP UAE (@mohapuae) February 15, 2021
وزارت صحت بزرگ شہریوں کو تمام امارات میں یہ سہولت فراہم کرنے کے لیے لوکل سوشل سروس ڈیپارٹمنٹس اور منسٹری آف کمیونٹی ڈویلپمنٹ کے ساتھ اشتراک کیا ہے۔ جس کا مقصد بزرگ افراد کو ویکسین کے لیے ہیلتھ سنٹروں پر آنے کی تکلیف سے محفوظ رکھا جائے۔
Source: Khaleej Times
