خلیج اردو آن لائن:
کورونا وبا کے پھیلاؤ کے بعد بند کیا جانے والا دبئی انٹرنیشنل ایئرپورٹ کا ٹرمینل ون 15 مہینوں کے بعد 24 جون کو دوبارہ کھول دیا گیا۔
یاد رہے کہ دبئی حکام کی جانب سے کورونا وبا کے پھیلاؤ کو روکنے کے لیے ٹرمینل ون اور کنکورس ڈی کو 25 مارچ 2020 کو بند کر دیئے گئے تھے۔
دبئی ایئرپورٹس تین ٹرمینل آپریٹ کرتا ہے۔ جس میں ٹرمینل ون غیر ملکی مسافروں کے لیے مختص ہے، ٹرمینل 3 ایمریٹس ایئرلائن کے لیے جبکہ ٹرمینل 2 فلائی دبئی اور دیگر ایئرلائنز کے لیے مخصوص ہے۔
Terminal 1 is back! After 15 months of hibernation, Dubai’s aviation community came together to turn on the lights and reactivate DXB’s T1 & Concourse D ✈️
We're ready to welcome you with our service partners: dnata, @DubaiDutyFree, @DubaiCustoms, @DubaiPoliceHQ, @GDRFADUBAI pic.twitter.com/B6oTk8Vy7r— Dubai International (@DXB) June 24, 2021
دبئی ایئرپورٹس کے چیئرمین احمد بن سعید المکتوم کا اس موقع پر کہنا تھا کہ "یہ اقدام ہمارے اعتماد کی طرف اشارہ کرتا ہے کہ آنے والے دن اچھے ثابت ہوں گے۔ اور ساتھ ہی دبئی کے دنیا کی معاشرتی اور معاشی بحالی کے قابل بنانے کی کوششوں میں ہوا بازی کی صنعت کی رہنمائی کرنے کے ارادے کا واضح اشارہ ہے”۔
جبک اس سے پہلے دبئی ایئرپورٹس کے سی ای او پال گریفتھ کا کہنا تھا کہ 66 ایئرلائنز ٹرمینل ون پر منتقل کر دی جائیں گی اور اس ٹرمینل کے کھلنے 3500 نئی نوکریاں پیدا ہوں گیں۔
Source: Khaleej Times