خلیج اردو: سابق آسٹریلوی آل راؤنڈر شین واٹسن کا کہنا ہے کہ ہندوستان نے کل رات سکاٹ لینڈ کے خلاف جو کرنا تھا وہ کیا اور سب کو دکھا دیا کہ ٹی ٹوئنٹی ورلڈ کپ میں انہیں فیورٹ کیوں قرار دیا گیا مگر اب ان کی امیدوں کے تانے بانے افغانستان کے ہاتھوں میں ہیں۔
جب میں نے ان سے پوچھا کہ بھارت کا نیٹ رن ریٹ اب افغانستان سے بہتر ہے اور کیا اس سے نیوزی لینڈ کے خلاف افغانستان کے کھیلنے کے انداز پر اثر پڑے گا تو اس نے مسکراتے ہوئے کہا کہ وہ اپنے کھیلنے کے انداز کو بالکل نہیں بدلیں گے اور بالکل اسی طرح کھیلیں گے جس طرح انکا طریقہ ہے۔ اور یہ ایک بے خوف کرکٹ میچ ہوگا۔
ان کو امید ہے کہ مجیب الرحمان کھیل کیلئے فٹ ہوں گے لیکن کہا جاتا ہے کہ عبدالظہبی کی وکٹ کیوی فاسٹ باؤلرز کے لیے موزوں ہو گی اور یہ صحیح معنوں میں بلے اور گیند کے درمیان کا مقابلہ ہونا چاہیے اور اسکے لئے سب کی نظریں اتوار کی سہ پہر کے کھیل پر ہوں گی۔
مساوات آسان ہے، اگر افغانستان جیت جاتا ہے تو بھارت کے پاس سیمی فائنل میں کھیلنے کا موقع ہے، اگر وہ ہارتا ہے تو بھارت افغانستان کے ساتھ باہر ہو جائے گا اور یہ کیویز ہی ہوں گے جو آخری چار میچز میں کھیلنے جائیں گے۔
