خلیج اردو: دبئی میں تین سیکورٹی گارڈز نے ان دو ٹھیکیداروں کی جان بچانے میں مدد کی جو نیم بےہوشی کی حالت میں ٹینک میں پھنس گئے تھے۔
ٹرانس گارڈ گروپ کے سیکورٹی گارڈز – محمد زبیر، رچرڈ ایسٹیبٹ اور محمد افتخار – کو "دبئی میں سیاحوں کی توجہ کے ایک بڑے مقام” پر تعینات کیا گیا تھا۔ مکینیکل روم کے قریب ہجوم اکٹھا ہوتے دیکھ کر، زبیر ٹینک کے اندر پھنسے دونوں ٹھیکیداروں کو تلاش کرنے کے لیے موقع پر پہنچ گیا۔
پاکستان سے اس کے ساتھی محمد افتخار اور فلپائن سے رچرڈ ایسٹبیٹ جائے وقوعہ پر پہنچے تو ٹھیکیداروں کو بچانے کے لیے ٹینک کے اندر چلے گئے۔
کمپنی نے پاکستانی زبیر کے حوالے سے کہا کہ "ہم نے کچھ نہیں سوچا اور صرف لڑکوں کی مدد کرنے گئے۔ یہ میری ذمہ داری اور بطور ایک سیکورٹی [گارڈ] یہ میرا کام ہے،”
افتخار نے مزید کہا کہ: "چونکہ ٹینک میں ایک انسان موجود تھا، اسلئے مجھے لگا کہ اگر میں اندر نہ گیا تو وہ منٹوں میں مر سکتے ہیں۔ میں نے دو ماسک پہنے اور ٹینک میں گیا اور رچرڈ کی مدد سے انہیں باہر نکالا۔
مقامی حکام کی جانب سے کی گئی تحقیقات سے معلوم ہوا کہ ٹینک میں زہریلی گیس موجود تھی۔
ٹرانس گارڈ گروپ کے منیجنگ ڈائریکٹر ڈاکٹر گریگ وارڈ نے کہا کہ ہمیں ان تینوں افراد پر انتہائی فخر ہے کہ انہوں نے ایک غیر معمولی صورتحال میں بروقت ہمت کا مظاہرہ کیا۔
اس سلسلے میں کمپنی کیجانب سے ایک تقریب کا انعقاد کیا گیا جسمیں زبیر، استبداد اور افتخار کو اسناد اور نقد انعام سے نوازا گیا۔
ایسٹبٹ نے کہا کہ "ہم نے وہاں دو لوگوں کی مدد کی کیونکہ، بطور ایک سیکورٹی [گارڈ]، لوگوں کی زندگیوں کا تحفظ یقینی بنانا ہی ہماری ڈیوٹی کی نوعیت ہے، اس لیے ہم نے اپنی پوری کوشش کی۔
